تورکیه جمهور باشلیغی، خلق‌ارا جنایی محکمه‌نینگ اسرائیل باش وزیری بنیامین نتانیاهو و اوشبو مملکت سابق مدافعه وزیری یوآو گالانت گه نسبتن چیقرگن حکمینی خوش قرشی‌لشینی معلوم قیلگن.
تورکیه جمهور باشلیغی رجب طیب اردوغان، ۳-قوس، شنبه کونی اوشبو مملکت‌نینگ استانبول شهریده «آتاتورک» قونالغه‌سیده نادولتی نهادلرنینگ تورتینچی ییغیلیشیده حضور تاپیب، خلق‌ارا جنایی محکمه‌نینگ اسرائیل رسمی‌لریدن بیرقطاری اینیقسه بو مملکت باش وزیری بنیامین نتانیاهو و مدافعه وزیری یوآو گالانت گه نسبتن چیقرگن حکمینی قۉللب-قوتلشینی اېتگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اسرائیل باش وزیری بنیامین نتانیاهو و مدافعه وزیری یوآو گالانت گه نسبتن خلق‌ارا جنایی محکمه حکمینی قۉللب-قوتلشیمنی بیلدیره‌من.»
اونگه کوره، دموکراسی و انسان حقوقینی قۉللب-قوتلاوچی مملکتلر، غزه‌ده قیرغین گه چېک قوییش اوچون تلاش قیلیش اورنیده، اسرائیل‌نینگ قیله‌یاتگن ظلمی‌دن حمایت قیلماقده‌لر.
شونینگدیک او، تشکیلات‌لر و خلق‌ارا یېتکرمه‌لردن تنقید قیلیب، بولر فلسطین (غزه)، لبنان و دنیانینگ باشقه حدودلریده یوز بیره‌یاتگن بشریت گه قرشی جنایت‌لر گه بی‌فرق‌لیگینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
رجب طیب اردوغان سۉزلری دوامیده، اسلامی مملکتلر اتفاق بولیشی گه تأکیدلش گه قۉشیمچه مسلمان دولتلر قره‌مه-قرشی‌لیک‌لری گه چېک قوییب و واحد بیر قرار گه کېلیش‌لرینی اېسته‌گن.
خلق‌ارا جنایی محکمه (ICC)، ۱۴۰۳-ییل، ۱-قوس، اسرائیل باش‌وزیری بنیامین نتانیاهو و اوشبو مملکت سابق مدافعه وزیری یو‌آف گالانت‌نینگ قولگه آلینیش حکمینی صادر قیلدی.
