تورکیه دولت رهبری رجب طیب اردوغان، بو مملکتنی برچه ساحهلرده دنیا بیلن رقابت قیله آلهدیگن قدرتلی مملکت گه ایلنتیرگنینی بیلدیردی.
اردوغان جنابلری، بو سۉزلرنی تورکیه جمهوریتی تیزیمینینگ اساسچیسی و تورک خلقینینگ ییریک تاریخی سیمالریدن بولمیش مصطفی کمال آتاتورکنینگ وفاتی ۸۷-ییللیگی مناسبتی بیلن انقرهده اۉتکزیلگن ییغیلیشده بیان قیلگن.
او سۉزلری دوامیده شوندهی دیگن: «آتاتورک تصور قیلگنیدیک، او اېنگ بویوک اثری دیب اتهگن تورکیه جمهوریتینی برچه ساحهلرده دنیا بیلن رقابت قیله آلهدیگن قدرتلی مملکت گه ایلنتیردیک.»
تورکیهنینگ تورلی شهرلریده اوشبو مناسبت بیلن ایریم مراسملر اۉتکزیلیب و آتاتورکنینگ خاطرهسی ایسلنگن.
عثمان امپراتورلیگی قولهگچ، بوگونگی تورکیه ترتیبسیزلیکلر گه دوچ بولگن اېدی. جهان اوروشی غالبلری اورتهسیده بولینیشی ریجهلشتیریلگن تورکیه حدودی، مصطفی کمال آتاتورک و اونینگ رهبریتیدهگی حربی حرکت قرشیلیگی سبب سقلنیب قالدی.
شو بیلن میلادی ۱۹۲۳-ییلده مصطفی کمال آتاتورک باشچیلیگیده تورکیه بویوک ملت مجلیسی بو مملکتده جمهوریت تیزیمینی رسمی طرزده اعلان قیلدی و آتاتورک جمهور باشلیغ صفتیده عمرینینگ آخریگچه بو مملکتنی باشقردی.
