تورکیهنینگ جمهورلیک ریاستی ادارهسی بیر بیانیه آرقهلی، اوتگن آخشم (۲۵-جوزا، یکشنبه)، تورکیه جمهور باشلیغی رجب طیب اردوغان بیلن امریکا جمهور باشلیغی دونالد ترامپنینگ تیلفونی سوزلشگنیدن خبر بیرگن.
اوشبو بیانیهگه کوره، مذکور تلیفونی سوزلشووده ایکی تامانلمه و منطقهای مسئلهلر اینیقسه ایران و اسرائیل آرهسیدهگی توقنشوللر توغریسیده بحث و صحبت بولگن.
بیزلرنینگ «ایکس» ترماغی ده هم تعقیب قیلینگ!
تورکیه جمهور باشلیغی، ایران و اسرائیل آرهسیدهگی توقنشوولر یکونلنیشی و منطقهده تینچلیک تامینلنیشی خصوصیدهگی ترامپنینگ سونگی بیاناتیدن خورسندلیک بیلدیریب اورغولشیچه: «بوتون منطقهگه آلاو آتیشی ممکن بولگن بیر فلاکت آلدی آلینیشی اوچون تیزلیک بیلن ضرور اقدام آلینیشی کیرهک.»
اردوغان دونالد ترامپ بیلن اوتکزیلگن اوشبو تلیفونی سوزلشووده، هستهای کیلیشماوچیلیکلرنینگ حلی اوچون یالغیز یول دیپلماسی بولگنی و تورکیهنینگ بو یولده قولیلشتیرووچی رولینی بجریش آرقهلی هر قندهی سعیوحرکتنینگ عملگه آشیریشگه تیارلیگینی بیلدیرگن.
بیزلرنینگ فیسبوک صحیفهمیزگه باش اورینگ!
تورکیه جمهور باشلیغی، اسرائیلنینگ ایران گه قرشی هجوملری بیلن باشلنگن زورهوانلیک دایرهسی، هر ایکی تامان اوچون قیتریب آلینمس اقتصادی و انسانی زیانلرگه سبب بولیشینی بیان قیلیب و ایتیشیچه، بو خوفلی جریاننینگ تیزلیک بیلن آلدی آلینیشی کیرهک.
ایتیش کیرهک که، بو امریکا جمهور باشلیغی بیلن اردوغاننینگ اوتکزگن ایکینچی تلیفونی سوزلشووی بولیب و سونگی کونلر تورکیه جمهور باشلیغی، ایران و اسرائیل آرهسیدهگی توقنشوولر خصوصیده، باشقه بیر قطار مملکتلرنینگ جمهور باشلیغلری بیلن هم تلیفونی سوزلشوو اوتکزگن.
