تورکیه دولت رهبری رجب طیب اردوغان، تورکمنستاندن قیتیش پیتیده، اوکراینده «صلح» برقرار ایتیلیشی اوزاق اېمس دیب، اوکراین بحرانی حل ایتیلیشی و قاره دینگیزده امنیتنی تأمین ایتیش اوچون انقرهنینگ تیارلیگینی بیلدیردی.
اردوغان جنابلری، تورکمنستان پایتختی عشقآباد دن قیتیش پیتیده، اوچاقده ژورنالیستلر بیلن صحبتده، روسیه و باشقه بیرقطار مملکتلرنینگ عملدارلری بیلن اوکراین و روسیه اوروشیگه چېک قوییلیش مسئلهسینی محاکمه قیلگنلرینی ایتدی.
او شوندهی دیېدی: «کوپراق صلح برقرار ایتیلیش مسئلهسی بحث گه آلیندی. پوتین جنابلری هم باشقهلر کبی بو مسئله گه عاید تورکیه رولیدن خبری بار. پوتین جنابلری بیلن سۉنگی مذاکرهلردن سۉنگ، مناسب وقتده امریکا جمهور باشلیغی بیلن هم صلح حقیده بحث ایتیش گه امید بیلدیرهمن. صلح برقرار ایتیلیشی کوپ اوزاق اېمس دیب اویلهی من.»
تورکمنستان پایتختی عشقآباد ده «صلح و ایشانچ» خلقارا ییغیلیشی ۱۴۰۴-ییل، ۲۱-قوس، جمعه کونی اۉتکزیلدی. بو ییغیلیشده روسیه، تورکیه، اۉزبېکستان، تورکمنستان، ایران، قزاقستان، قرغیزستان، تاجیکستان و باشقه بعضی مملکتلرنینگ ییریک عملدارلری اشتراک اېتگن اېدی.
