افغانستان اسلام امیرلیگی صناعت و سودا وزیرلیگی سرپرستی نورالدین عزیزی، ایران تیمیر یول اداره‌سی‌نینگ اورین باسری مرتضا جعفری باشچیلیگیده اوشبو مملکت هیئتی بیلن اوچره‌شووده، تیمیر یولی آرقه‌لی افغانستان و ایران آره‌سیده آلیش-بیریش مقداری آشیریلیشینی معلوم قیلگن.
اوشبو وزیرلیک سۉزلاوچیسی آخوندزاده عبدالسلام جواد گه کوره، بو اوچره‌شووده ایران تیمیر یول اداره‌سی مسئوللری، افغانستان سودا توارلری‌نینگ ایران و تورکیه و او ییردن اروپا مملکتلری گه انتقال بیریش امکانیتی یره‌تیش‌دن ایشانچ بیرگنلر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بو اوچره‌شووده ایکّی مملکت اورته‌سیده تیمیر یولی آرقه‌لی سودا آلیش-بیریش مقداری آشیریلیشی و شونینگدیک، افغانستان‌نینگ سودا توارلری ایران و تورکیه تیمیر یوللری آرقه‌لی اروپا مملکتلری گه انتقال بیریلیش مسئله‌سینی محاکمه قیلدیلر.»
اسلام امیرلیگی صناعت و سودا وزیرلیگی سرپرستی نورالدین عزیزی، ایکّی مملکت تامانیدن سوداگرلر گه قولی‌لیک یره‌تیلیشی گه تأکید اېتگن.
شو بیلن بیرگه، اقتصادی بیلرمانلردن بیرقطاری، ایکّی مملکت سودا مناسبت‌لری مستحکم‌لنیشی اوچون تیمیر یولی آرقه‌لی سودا توارلری انتقال بیریلیشینی اونملی بهالب بو توغریده عملی آدیملر کوتاریلیشی گه تأکید اېته‌دیلر.
بیزلرنینگ «ایکس» ترماغی ده هم تعقیب قیلینگ!
اقتصادی ایش بیلرمان نبی افغان گه کوره: «تیمیر یولی بیز اوچون ارزان، قولی و قریب دیر، تجارت کېنگه‌یشی گه سبب بوله‌دی؛ سودا آلیش-بیریش کېنگه‌یشی اوچون بوتوغریده دقت قیلیشی کېره‌ک چونکه بو یخشی یول دیر.»
ایران سۉنگی اوچ ییل‌ده افغانستان و اروپا مملکتلری اورته‌سیده باغله‌نیش کوپریک بولیش یانیده، چابهار بندری کېنگه‌یتیریلیشی، هندوستان و مرکزی آسیا گه ینگی یوللرنی آچیش اوچون سعی-حرکت قیلیب کېلگن.
افغانستان و ایران جمهوریتی آره‌سیده سودا آلیش-بیریش مقداری، قریب ۴۰ میلیارد دالر بولگنی اېتیله‌دی.
