فاریاب ولایتی المار تومنی یشاوچیلری و سپورتچیلریدن قطاری، اوشبو تومن ده برق بیریلمسلیگی و سوو توغانی قوریلمسلیگی گه دایر ناراضی‌لیک بیلدیرگنلر.
ناراضی‌لیک بیلدیرگنلر « بیزلر هم فاریاب خلقی‌میز و بند و برق بیزلر نینگ حقی‌میز» شعارلری بیلن، حکومت دن المار تومنیده بویوک سوو توغانی قوریلیشی و اوشبو تومن ده دولتی برق کیلتیریلیشی گه دایر خلق نینگ ایسته‌گی گه دقت قیلیشینی طلب قیلگنلر.
بیزلرنینگ فیسبوک صحیفه‌میزگه باش اورینگ!
المار تومنی فوتبال فدراسیونی مسئولی سیدحمید هاشمی نینگ سلام‌وطندار گه ایتیشیچه، مذکور تومن نینگ قیشلاق قهرمان کمپی رقابت‌لری، ۸ گروه ده ۳۲ تیم حضوری بیلن، سوو توغانی قوریلیشی و برق کیلتیریلیشی گه دایر یولگه قوییلگن.
اونگه کوره، اوشبو همایش ده سپورتچیلر اسلام امیرلیگی سرپرست حکومتی دن، المار تومنی خلقی نینگ اساسی خواستی مذکور تومن گه دولتی برق کیلتیریلیشی و سوو توغانی قوریلیشی دیر، دقت قیلیشینی طلب قیلگنلر.
المار تومنی خلقی نماینده‌لیگیدن سوز یوریتگن جان‌محمد گه کوره، اوشبو تومن فاریاب مرکزی میمنه شهری نینگ ۲۵ کیلومترلیگی ده جایلشگن و عمومی قتناو یولی اسفالت بولگن، بیراق ایریم دلیل‌لر سبب بو تومن گه دولتی برق کیلتیریلمه‌گن.
اونینگ ایشانچی گه کوره، افغانستان سابق جمهور باشلیغی حامدکرزی حکومتی زمانیده مذکور تومن ده بویوک سوو توغانی قوریلیش ایشی افتتاح بولگندی، بیراق نیچه مراتبه قوریلیش ایشی بیکار قیلینیب و حاضرگچه باشلنمه‌گن.
بیزلرنینگ توییترده هم تعقیب قیلینگ!
فاریاب ولایتی المار تومنی سپورتچیلری و یشاوچیلری، اسلام امیرلیگی حکومتی دن اوشبو تومن یشاوچیلری نینگ خواستی گه دقت قیلیشینی طلب قیلگنلر.
المار تومنی تیکیس و کینگ ییرلر گه ایگه بولیشی باعث فاریاب نینگ بوغدای انباری حسابلنه‌دی، لیکن بو تومن نینگ ایکینچیلیک ییرلری گه سوو ییتیشمسلیگی، یشاوچیلر و دهقان‌لر نینگ اساسی قیینچیلیکلری دن بیری سنله‌دی.