بلخ ده برق نرخی یوقاری‌لیگی باعث، اوشبو ولایت یشاوچیلریدن قطاری سولر آرقه‌لی برق‌لرینی تأمینلش گه یوز کیلتیرگن. اولر نینگ ایتیشلریچه، دایمی برق‌لری یوق‌لیگی و برق نرخی یوقاری‌لیگی اوچون اهالی آره‌سیده برق اورنیده سولر یخشی بدیل اوله‌راق رواجلنگن.
بلخ یشاوچیسی حامد گه کوره، مذکور ولایت ده برق نرخی یوقاری لیگیگه دایر یشاوچیلر نینگ ناراضی‌لیگی نتیجه‌سیز قالیشیدن کیین، اولر سولر گه یوز کیلتیریشگن. او نینگ ایتیشیچه: «ایکی تخته سولر ساتیب آلیب و برق نیازلریمیزنی اوشبو یول آرقه‌لی تأمینلش گه قرار قیلدیم؛ چونکه بیر کیلووات برققه ۶.۲۵ افغانی تولش توانیمیز یوق دیر.»
بیزلرنینگ فیسبوک صحیفه‌میزگه باش اورینگ!
برق نرخی یوقاری‌لیگیدن شکایتی بولگن بلخ یشاوچیلریدن باشقه بیری حمیدالله نینگ ایتیشیچه: «سولر ایکین‌لریمیز اوچون اونملی دیر؛ چونکه حکومت نینگ بیز گه یاردم بیریش توانی یوق. سولردن فایده‌لنیش گه مجبور میز؛ چونکه اقتصادی دیر.»
بلخ ده سولر ساتووچیلری نینگ ایتیشلریچه، مذکور ولایت ده سولر ساتیب آلووچیلر سانی کوپه‌یگن. اوشبو ولایت ده سولر ساتووچیلردن بشیراحمد گه کوره، کوپراق دهقان‌لر و قیشلاق اهالیسی برق نیازلرینی تأمینلش اوچون سولر ساتیب آله‌دیلر. او نینگ کوپه‌یتیریشیچه: «یشاوچیلر اقتصادی قیینچیلیک بیلن دوچ دیر، شونی اوچون اهالی سولر ساتیب آله‌دیلر. کوپ سانده اهالی برق نیازلرینی تأمینلش مقصدیده سولردن قولنه‌دیلر.»
بلخ ده برشنا شرکتی باشلیغی سردارولی ثاقب، مذکور ولایت ده برق نرخی یوقاری‌لیگینی تصدیق‌لب ایتیشیچه: «بیز بو قیینچیلیک حلی اوچون تلاش قیله‌یپمیز و یشاوچیلر نینگ قیینچیلیگینی ییریک رسمی‌لر بیلن شریک قیلگن‌میز. بلخ ولایتی برق تعرفه‌لری باشقه‌لر ولایت‌لر بیلن برابر بولیش مقصدیده سعی‌وحرکت قیلماقده‌میز.»
بیزلرنینگ توییترده هم تعقیب قیلینگ!
جوزجان، سرپل و فاریاب ولایت‌لریده هر کیلووات برق ۴.۵ افغانی دیر؛ بیراق بلخ یشاوچیلری هر کیلووات برق اورنیده ۶.۲۵ افغانی تولش گه مجبورلر؛ شونی اوچون مذکور ولایت یشاوچیلری سولری برق دن فایده‌لنیش گه یوز کیلتیرگنلر.
