ترانسپورت و هوا یوللری وزیرلیگی، افغانستاننینگ ۸ یوک تواری تورغندی بندری و لاجورد یونهلیشی آرقهلی بوگون (۲۴ حوت/۱۵ مارچ، یکشنبه) تورکیه گه یوباریلیشینی بیلدیردی.
اوشبو وزیرلیک، ایکس صحیفهسیده بیر بیانیه ترقهتیب، اوشبو یوک توارلری «رحمت مومن» ترانسپورتی کمپنیهسی تامانیدن بیرینچیدن تورکیه و کیین ایسه سعودی عربستان، امریکا، آسترالیا و هالند گه یوباریلیشینی معلوم قیلدی.
بیانیه گه کوره، بو چاره ینگی ترانزیتنی آسانلشتیریش و ملی صادراتنی قوللب-قوتلش دستوری دایرهسیده عملگه آشیریلهدی.
لاجورد یولی آرقهلی بیرینچیدن تورکیه گه و کیین ایسه باشقه مملکتلر گه صادر قیلینهدیگن بو توارلر قوروق میوه، مربا، دیک بخار و ایچیملیکلردن عبارت دیر.
لاجورد یولی منطقه ترانزیتی مهم یولَکلریدن حسابلنهدی – افغانستاندن باشلنیب و کیین ایسه تورکمنستان، آذربایجان و گرجستاندن اوتیب و تورکیه گه ییتهدی.
ترانسپورت وزیرلیگینینگ ایتیشیچه، ترانزیت یولَکلرینی کینگهیتیریش، صادرات و وارداتنی آشیریش اوچون شرایط یرهتیش همده خلقارا ترانسپورت کمپنیهلرینی قوللب-قوتلش، بو وزیرلیکنینگ اساسی ایشلریدن بیری بولیب و بوتوغریده ایجابی و عملی چارهلر کوریلگن.
