اسلام امیرلیگی باش وزیری اقتصادی اورین باسرلیگینینگ اعلام قیلیشیچه، اوتگن ایکی آیده برق ایشلب چیقریش، اوزهتیش و ترقهتیش بولیمیده، سکیز میلیارد ۲۰۰ میلیون افغانی سرمایه یاتقیزیلگن.
بیزلرنینگ «ایکس» ترماغی ده هم تعقیب قیلینگ!
اسلام امیرلیگی باش وزیری اقتصادی اورین باسرلیگی تامانیدن بوگون (۱۴-جوزا، چهارشنبه)، ترقهتیلگن بیانیهده کیلیشیچه، مذکور سرمایه یاتقیزیلیشلر آلتی ولایتده قیته تیکلنووچی انرژی لایحهلری و برق آستقورمهلری مستحکملنیشیگه قرهتیلگن.
اوشبو لایحهلر توغریسیده سرمایه یاتقیزیلیشلر، بلخ ده ۴۰ مگاوات قویاش برقی، هرات ده بیش مگاوات قویاش برقی، لغمان ده ۱۰ میگاوات قویاش برقی، هرات ده ۴۳.۲ مگاوات شمال برقی و ننگرهار ده ۴۰ مگاوات قویاش برقینی ایشلب چیقریش، قندهار شرقینینگ برق سباستیشنی قوریلیشی، زابلنینگ قلات شهریده برق سباستیشنی قوریلیشی و قندهار گه کجکی توغانیدن ۱۱۰ کیلووات برق لینینی تمدید قیلینیشینیدن عبارت دیر.
بیزلرنینگ فیسبوک صحیفهمیزگه باش اورینگ!
اسلام امیرلیگی باش وزیرینینگ اقتصادی اورین باسرلیگیگه کوره، مذکور لایحهلردن برق ایشلب چیقریلیشنینگ توپلم ظرفیتی ۱۳۸.۴۵ مگاوات گه ییتیشیب و اونینگ یکونلنیشی بیلن، قریب ۱۰۰ مینگ عایله و یوزلب صناعتی ایشخانه برق انرژیسیدن فایدهلنیشی ممکن.
