هییت بیرمی ییتیب کیلیشی بیلن، شهرلر و کوچهلرنینگ هواسی اوزگرهدی. هییتده باریب-کیلیشلر کوپهیب، کوچهلرده «هییتینگیز قوتلوغ بولسین» و حال-احوال سورهش سیسی ایشیتیلهدی. شونینگدیک هییت ییتیشمسدن آلدین هم کییم-کیچگ، میوه و شیرینلیک ساتیلهدیگن دکانلر بو کون اوچون تیارگرلیک آلهدیگن مشتریلردن تولگن ایدی. کوچهلردن فرشلرنی قاقیش سیسی قولاققه کیلیب، یاشلرنینگ اوی ایچیده و اویدن تشقریده تازلش ایشلری بیلن شغللنگنی کوزگه کوریلهر ایدی.
مذکور کونلرده ینه هم اوروش سیسی و باروت هیدی هواده سیزیله یاتگن بولسهده؛ بیراق اهالی اینیقسه یاشلرنینگ ایتیشیچه، بو وضعیتگه عادت قیلگنلر و هیچ قندهی بیر موضوع هییت کونیدهگی خوشلیکنی اولردن آلالمهیدی. هییت بیرمی توغریسیده اوشبو گزارشده ۲۴ ییگیت بیلن صحبت بولگن. مذکور ییگیتلر، اقتصادی قیینچیلیکلر، ایشسیزلیکلر و خوفسیزلیک وضعیت -جملهدن سونگی واقعهلر- بولگنی بیلن، هییتنی قیزیق شکلده کوتیب آلیشگه تاکید قیلهدیلر.
خبرچیلیک بولیمینی اوقیگن پکتیا یشاوچیسی بولمیش یاسر گردیزی و کابل یشاوچیسی بولمیش ذبیحاللهنینگ ایتیشیچه، بو ییل اوتگن ییللرگه قرهگنده سودا آلیشلری میزانی کمهیگن. نرسهلر قیمتلیگی و خرهجتلر آشگنی، اولرنی آزراق نرسه ساتیب آلیشگه مجبور قیلگن.
یاسرنینگ ایتیشیچه: «حاضر ایشسیزمین. بو ییرل اوتگن ییللرگه قرهگنده اونچهلیک نرسه آلالمهدیم. قیمتلر جودهیم آشگن. نرسه ساتیب آلالمهیمیز چونکه اقتصادیمیز کوپ یامان دیر.»
شونینگدیک ذبیحاللهنینگ ایتیشیچه: «خصوصی بولیملردن بیریده ایشلهمین. بو ییل اوتگن ییللرگه قرهگنده کوپ نرسه ساتیب آلالمهدیم؛ چونکه آزیق-آوقت، کییم و باشقه توارلر قیمتی آشگن سبب، یالغیز بیر قطار کیرهکلی نرسهلرنی آلدیک.»
دایکندی یشاوچیسی ۲۱ یاشر آصفه و کابل یشاوچیسی ۲۹ یاشر فاطمه احمدینینگ ایتیشیچه، گرچند اونچهلیک نرسه ساتیب آلالمهگنلر؛ بیراق ینه هم هییت بیرمی ییتیب کیلیشیگه قیزیقهدیلر. دوستلرنی کوریش، بالهلر سیماسیدهگی تبسم و عایلهلرنینگ ییغیلیشی، اولر اوچون هییت بیرمی خوشلیگینینگ بیر بولیمی بولیب و قیین وضعیتده حتا یاشلر یورهگیده نشانلش و امید روحیهسینینگ تیریک قالگنینی کورستهدی.
آصفهنینگ ایتیشیچه: «هییت کوپراق عایلهلر، دوستلر و یقینداشلر یانیده معنا تاپهدی. ینگی کییم و هییت اوچون تیارگرلیک انسان گه یخشی بیر تویغونی بیرهدی؛ لیکن هییتده حتا ینگی کییم بولمسه هم، مین قیغولنمسلیک اوچون سعیوحرکت قیلهمن. اونچهلیک کیرهک بولمهگن نرسهلرنی آلمهدیم.»
شونینگدیک فاطمهنینگ ایتیشیچه: «هییت بیر-بیرینی کوریش، همدردلیک و شکر قیلیش اوچون دیر، ینگی کیین کییش، نمایش کورسهتیش و اوینی کوپ گوزهلشتیریش اوچون ایمس. حاضرگچه بالهلر سیماسیده تبسم بولیشی و عایلهلرنینگ بیر ییرگه ییغیلیشی، یخشی بیر حسنی انسان گه بیرهدی.»
صحبت قیلگنلردن ۱۴ تهسیگه کوره، هییت باشقهلرنی قضاوت قیلیش اوچون ایمس، بلکیم انساننینگ اوزی اوچون نشانلش و خوشلیک دیر. اولرنینگ ایتیشلریچه، هییت اولر اوچون خوشلیک کیلتیریب و اجدادلریدن میراث قالگن عنعنهلرنی سقلهب قالیش، بو کونلر گه ارزش و معنا بیرهدی.
کابل یشاوچیسی بولمیش ۲۱ یاشر سهیل یارینینگ ایتیشیچه، هییت بیرمی اوچون نرسه ساتیش آلیشده باشقهلر بیلن مقایسه بولمسلیک کیرهک. «هیچ کیم بیلن اوزیمیزنی قیاسلمهیلیک. بالهلیک و یاشلیکده هییتنینگ اوزیگه خاص بیر قیزیقیشی بار؛ بیراق ینه هم یخشی شکلده اوتهدی. مخصوص بیر سببی هم یوق. برچه عایله بیر ییرگه ییغیلهدی و هییت بولیب و برچه کیشی خوش بولهدی.»
کابل ده حیات کیچیرهدیگن ۲۵ یاشر کوکبهنینگ ایتیشیچه، حتا نرسه ساتیب آلیش اوچون پولی بولمسهده، شرایطنی قبول قیلیب و هییت بیرمنی نشانلهیدی. «وضعیتنی بیلگن و گپنی بیلگن کیشی بولسه، قیغولنمهیدی. قولیمیزده پول بولگنیده خورسند بولهمیز و نرسه ساتیب آلهمیز؛ بیراق بولمهگنیده ایسه قناعت قیلیب اولیترهمیز. هییتنینگ اوزیگه بیر معناسی بار و یورهکدن خوش بولیش مهم دیر. ینگی کییم ساتیب آلالمسهک هم، قیینچیلیگی یوق.»
صحبت قیلگنلردن بیر قطاری، اوتگن ییللر و بالهلیک چاغی خاطرهلرینی حسلب و ایتیشلریچه، هییت و اونینگ عنعنهلری اولر اوچون مهم دیر. ۳۸ یاشر خلیلالله پوپل و ۶۱ یاشر عبدالحمیدنینگ ایتیشلریچه، اوتمیشدهگی هییت بیرملرینینگ اوزیگه خاص بیر حال-هواسی بار ایدی. اولرگه کوره، هییت بیرمینینگ باش کیچهسیده، خوشلیک و هیجان سبب بالهلر حتا یاشلر کوزیگه اویقو کیلمس ایدی. نان، قینهتیلگن یومورتقه، قاووریلگن بوغدای و نیچه دانه چاکلیب بیلن، هییت بیرمینی بیر-بیرلری یانیده نشانلهر ایکنلر. اولرنینگ کوپهیتیریشیچه، اهالی اوزومدن فایدهلنیب و مربا گه اوخشش بیر تورلی هییتگه مخصوص بیر شیرینلیک تیار قیلهر ایکنلر. اوشه پیلرده، قیمتلر کوپ بولمهی و هر کیم ساده امکانیتلری بیلن مهمانلرنی کوتیب آلهر ایکنلر و محیط هم بالهلر و یاشلرنینگ کولگیسی سیسی بیلن تولهر ایکن.
خلیلاللهنینگ ایتیشیچه: «اوتگن ییللرده میله قیلیب و چکر کیتهر ایدیک. هییت اوشه هییت، مینگه هیچ فرق قیلمهگن، یالغیز اهالی اقتصادی بیراز بوزیلگن. اوتگن ییللرده بو رقم دسترخوانلرنی تولدیریش ایشلری یوق ایدی. هر کیم اوز کوچی و امکانیتیگه قرهب نرسه تیرهر ایدی. اوتمیشده بیرینینگ اوییگه باریلگنید پیتده، نان، یومورتقه، قاووریلگن بوغدای و چاکلیب کبی نرسهلرنی بیرهر ایدیلر. بویوکلر هم بیر-بیرینینگ اوییگه بارهر ایدیلر. حاضر بو ایشلر اورتهدن کیتگن.»
شونینگدیک عبدالحمیدنینگ ایتیشیچه: «اهالی ایکی، اوچ کون آلدیندن هییت اوچون تیارگرلیک آلهر ایدیلر. عایلهلر خوش ایدی. کیچیک ایدیک و هییت بیرمی کیچهسیده حتا اویقومیز کیلمس ایدی. اوزیمدن مربا کبی بیر نرسه توزتهر ایدیلر.»
شوندهی بیرحالده، المپیک، سپورت و جسمانی تربیهلش کمیتهسی عمومی ریاستیده مسئوللرنینگ ایتیشلریچه، هییت کونلریده مرکز و ولایتلرده یاشلر آرهسیده سپورتنینگ تورلی بولیملریده هییتگه مخصوص برنامهلرنی اوتکزهدیلر.
المپیک، سپورت و جسمانی تربیهلش کمیتهسی عمومی ریاستی سوزلاوچیسی محمداتل مشوانینینگ سلاموطندار گه ایتیشیچه: «مملکت سپورت ادارهسی، هییت کونلری مناسبتی بیلن سپورتنینگ تورلی بولیملریده مسابقهلرنی اوتکزماقچین. اوشبو مسابقهلر کابل و شونینگدیک ولایتلرده اوتکزیلهدی. مذکور مسابقهلر سپورت تورنمنتلری، سپورت لیگهلری و ولایتلردن قطاریده سپورت فیستیواللری شکلده نظرگه آلینگن. بو کبی مسابقهلر سپورتچیلر اینیسقه یاشلرنی تشویش قیلیش اوچون مهم اورینگه ایگه دیر.»
مسلمانلرنینگ اینگ بویوک مناسبتلریدن بولگن هییت بیرمی، دایم قیزیقیش و اوزیگه خاص بیر فضا بیلن بیرگه بولگن. اوتمیشدن حاضرگچه، اهالی ینگی کییم ساتیب آلیش، شیرینلیک و میوه تیارلش و عایلهلرنینگ ییغیلیشی بیلن، بو کوننی نشانلهیدیلر؛ لیکن سونگی ییللرده اجتماعی اوزگریشلر و اقتصادی قیینچیلیکلر، عایلهلردن قطارینی، آزارق نرسه ساتیب آلیشگه مجبور قیلگن. شوندهی بیرحالده، امیدوار بولیش، اشتیاق و عایلهلر همده دوستلرنی کوریشگه اهمیت بیریش، اهالی اینیقسه یاشلر آرهسیده سقلهنیب کیلماقده.
