ایکینچیلیکنینگ ستندردلشتیریش و حاصلات میزانینی کوپهیتیریش مقصد، خوست ولایتیده بیرینچی مرته زراعتی اوروغلر بوییچه تدقیقاتی فارملر آچیلگن. مذکور فارملر آرقهلی ولایتنینگ اقلیم شرایطی و سوو منبعلری بیلن بوتونلی ماس کیلهدیگن اوروغ و کوچتلر ییتیشتیریلیشی کوزگه آلینگن.
خوست دهگی دهقانلردن قطاری، بوندن آلدین ییرلریگه نرسه ایکیش اوچون اوروغ و کوچتلرنی باشقه ولایتلردن آلیب کیلیشلری و کوپینچه پیت یخشی نتیجهگه ایریشمهگنلرینی بیان قیلگنلر.
خوست دهگی دهقانلردن عبدالرووفنینگ ایتیشیچه، دهقانلر و باغدارلردن فایدهلی حمایت بولیشی اوچون، ایکینچیلیک ریاستی اوروغ و کوچتلرنی تدقیقات آستیگه قوییشی کیرهک که خوست زراعتی شرایطیده یخشی نتیجه بیریب و حاصلات کوپهیشی زمینهسی یرهتیلسین. «بو ولایت حتا افغانستان گه بوندن آلدین آزمایش بولمهگن نرسهلر کیلتیریلسین. خوست هواسی و افغانستان ولایتلریدن قطارینینگ هواسی مناسب دیر و هر نرسه هم ایکیلسه یخشی نتیجه بیرهدی. اهالیگه امکانیت یرهتیلسین که ایکینچیلیک محصوللر آزمایش بولیب و کیین ایسه اهالی آرهسیده ترقهتیلسین.»
شونینگدیک بو ولایتدهگی دهقانلردن باشقه بیری جنتگلگه کوره: «خوست هواسیگه ماس و بو ییرده ییتیشتیریلگن یخشی اوروغ و کوچتلر بیز اختیاریمیز گه قرار بیریلگنیده صورتده، بیزلرگه کوپ فایدهلی بولهدی و اونینگ فایدهسی نیچه برابر بولیشی ممکن.»
شونینگدیک خوست ولایتیدهگی دهقانلردن باشقه بیری کمالنینگ ایتیشیچه، کوپینچه پیت دهقانلر آرقهلی اوز باشیمچهلیک شکلده باشقه منطقهلردن تیارلنهدیگن اوروغلر، بو ولایت توپراغی و هواسی بیلن ماس بولمهگنی سبب، قوریب و اورتهدن کیتهدی. «اهالی بوغدای یا-ده درخت ایکهدی، بیراق قوریدی چونکه اولرنینگ دارو و مخصوص مراقبت گه نیازی بار. خوست هواسی باشقه ولایتلردن فرقلی دیر و بو فرقلر اوسیملیککه سلبی تاثیر قویهدی.»
شونینگدیک ایکینچیلیک بولیمی ایش بیلرمانلرینینگ اورغولشیچه، زراعت ستندردلنیشی، حاصلات کوپهیشی و دهقانلرنینگ قوللب-قوتلنیشی اوچون، ایکینچیلیک تدقیقاتی فارملر آچیلیشی و فایدهلنیش گه تاپشیریلیشی، اساسی نیاز دیر.
خوست ولایتی شیخزاید بیلیم یورتی ایکینچیلیک فاکولتهسینینگ باغدارلیک دیپارتمنت آمری سیفالله منگل گه کوره، دهقانلر تیکشیریلیش آستیده بولمهگن کوچت و اوروغلرنی ایککنی صورتده، هوا شرایطی و موسومی کسللیکلرنینگ اولرگه سلبی تاثیر قوییشی ممکن که نتیجهده، دهقانلرگه مالی زیان ییتیشهدی. منگل، دهقانلر و باغدارلردن ییرلریگه یالغیز تدقیقاتی فارملرده تدقیقات آستیده قرار تاپیب و ایجابی نتیجه بیرگن اوروغ و کوچتلردن فایدهلنیشلرینی ایستهگن. «توپلم شکلده تدقیقاتی فارملر و اوروغ و کوچت ایشلب چیقرووچی شرکتلردن برچهسی، دهقانلر آسایشتهلیگی اوچون آچیلگن و یخشیراق حاصلات تولید بولیشیده مهم اورینگه ایگه دیر.»
شوندهی بیرحالده، خوست ایکینچیلیک ریاستی مسئوللرینینگ ایتیشلریچه، بیرینچی مرته تدقیقاتی اوچ فارم آچیلیب و تورلیخیل میوهدار کوچت، بوغدای، حبوبات و سبزهوات تیکشیروو آستیده قرار تاپهدی و ایجابی نتیجه بیرهدیگن هر بیر اوروغ و کوچت، فایدهلنیش مقصد دهقانلرگه ترقهتیلیشی ممکن.
خوست ایکینچیلیک، سووغاریش و چاروهچیلیک ریاستی باشلیغی شیرمحمد ذبیحنینگ ایتیشیچه: «آلدیندن تدقیقاتدن اوتگن، کسللیکلر نقطهی نظریدن تیکشیریلگن و هوا شرایطیگه ماس بولگنی توشینیلگن اوروغ و کوچت دهقانلر اختیاریگه قرار تاپهدی.»
بیلرمانلرنینگ ایشانچیگه کوره، تدقیقاتدن اوتگن و توپراق همده هوا شرایطیگه ماس کوچت و اوروغ، توغری شکلده حاصلات کوپهیشی، ایکینچیلیک زیانلر کمهیشی و دهقانلر اقتصادی یخشیلنیشیگه سبب بولهدی.
