اسلام امیرلیگی باش وزیرینینگ اقتصادی اورین باسری عبدالغنی برادر، «ایکو» باشلیغلری اقتصادی همکارلیک تشکیلاتی ۱۷- ییغیلیشیده اشتراک اېتیش اوچون بیر هیئت باشچیلیگیده آذربایجان جونب کېتگن.
اسلام امیرلیگی باش وزیرینینگ اقتصادی اورین باسرلیگی، بوگون (۱۰-سرطان، سهشنبه) ایکس صحیفهسیده بیر بیانیه ترقهتیب بو حقده خبر بیرگن.
بیزلرنینگ فیسبوک صحیفهمیزگه باش اورینگ!
بیانیه اساسیده، برادر جنابلری ایکو باشلیغلری اقتصادی همکارلیک تشکیلاتی ییغیلیشیده قتنهشووی یانیده، آذربایجان همده اوشبو تشکیلات گه اعضا مملکتلرنینگ رسمیلری بیلن، ایککی تامانلمه علاقهلرنی کېنگهیتیریش بارهسیده اوچرهشیب ملاقات قیلیشی ممکن.
ایکو باشلیغلری ۱۷- دور ییغیلیشی، تشکیلات گه اعضا مملکتلرنینگ ییریک رسمیلری حضوری بیلن میلادی ۲۰۲۵-ییل، ۳ و ۴- جولای آیی کونلری، آذربایجان میزبانلیگی بیلن اۉتکزیلیشی اېتیلگن.
ایکو، منطقهوی بیر تشکیلات بولیب، ایران، تورکیه و پاکستان تامانیدن میلادی ۱۹۸۵ییلده، اعضا مملکتلر اورتهسیده اقتصادی و فرهنگی همکارلیکلرنی مستحکملش مقصدیده شکللندی.
بیزلرنینگ «ایکس» ترماغی ده هم تعقیب قیلینگ!
افغانستان، آذربایجان، اۉزبېکستان، تورکمنستان، قزاقستان، قیرغزستان، تاجیکستان، میلادی ۱۹۹۲-ییلده اوشبو تشکیلات اعضاسی صفتیده قبول قیلیندی.
ایکو ییغیلیشی اوتگن ییلی ایراننینگ مشهد شهریده اۉتکزیلگن اېدی.
