کنگو دموکراتیک جمهوریتی ساغلیقنی سقلش وزیرلیگینینگ اعلام قیلیشیچه، بو مملکتده «ابولا» یوقمه کسللیگینینگ سونگی ترقهلیشیده، ساغلیق خادملریدن تورت تهسی شامل کمیده ۱۵ کیشی اولگن.
مذکور وزیرلیکنینگ ایتیشیچه، بیرینچی مرته بو کسللیک ۳۴ یاشر بیر عیالده انیقلنیب و کسلخانهگه انتقال بیریلگنی همده قتیق ایسیتمه و قیتریش کبی علایملر کوریلگچ، نیچه ساعتدن کیین تنه اعضالریدن قطاریده ییتیشماوچیلیک سبب وفات قیلگن. حاضرگچه بو مملکتده ۲۸ شبهلی حالت ثبت بولگن.
بو بیلن بیرگه، خلقارا ساغلیقنی سقلش تشکیلاتینینگ آگاهلنتیریشیچه، یوقیش حالتلرینینگ کوپهیش احتمالی بولیب، جواب بیرووچی گروهلری محلی گروهلری بیلن هماهنگلیکده، احتمالی کسللرنینگ انیقلش و دوالش بیلن شغللنگن.
کنگو ساغلیقنی سقلش رسمیلری، قوللرنینگ یوویش و اجتماعی فاصلهنی سقلش کبی آلدینی آلیش چاره-تدبیرلرنینگ رعایت بولینیشیگه تاکید قیلگن.
۲۰۱۸ دن ۲۰۲۰-ییللرده کنگو ده ابولا ویروسی ترقهلگنی نتیجهسیده، ایکی مینگدن آرتیق کیشی وفات قیلگن.
اوشبو ویروسنینگ میوه ییهدیگن کورشپهلیکدن تاپیلگنی گمان قیلینهدی و بیرینچی مرته، ۱۹۷۶-ییلده حاضرگی کنگو دموکراتیک جمهوریتی حدودیده، ابولا دریاسی یقینیده انیقلنگن.
اوشبو کسللیکنینگ علایملری بعضا ایکی اوچ هفته ویروسگه تیگیشدن کیین ایسیتمه، باغیز آغریق و باش آغریق دیر.
