بلخ ولایتی مارمل تومنیده قویاش ۱۴۰۴-ییل، ۱۲-عقربده یوز بیرگن زلزلهده جبرلنگنلر، انسان سیورلیک یاردملرنی ترقهتیش جریانی سُستلیگیدن نالیب و بو تومندهگی جبرلنگنلر گه یېترلیچه یاردم کورسهتیلمهگنینی معلوم قیلهدیلر.
مارملده زلزلهدن جبرلنگن حامد، قیش موسمیده بو تومننینگ قتناو یوللری توسیلمسدن آلدین انسان سیورلیک یاردملر یېتکزیلمهگن حالده، اولر ایریم معمالر بیلن دوچ بولیشلری حقیده آگاهلنتیرهدی.
او شوندهی دیېدی: «نیچه وقت آلدین یوز بیرگن زلزلهده بو تومن اهالیسی هم کوپینچه ضرر کوردی؛ بیراق یوللریمیز بوزوقلیگی سببلی یاردم بیروچی هېچ بیر نهاد اهالی بیلن همکارلیک قیلمهگن؛ یامغیر و قار یاققن تقدیرده، باریب-کیلیش کیسیلهدی.»
مارملده زلزلهدن جبرلنگنلردن باشقه بیری صدیقاللهنینگ ایتیشیچه، بو تومن یشاوچیلری انسان سیورلیک یاردملر گه کوپراق محتاج دیر. اونگه کوره: «مارمل خلقینینگ اساسی قیینچیلیگی شو کی حکومت و یاردم بیروچی نهادلر اهالی گه دقت قیلسین؛ اهالی قیینچیلیگینی یقیندن کیلیب کورسینلر و اولر گه یاردم بیرسینلر.»
برچهسی بیلن، بلخ حاکمی سۉزلاوچیسی عطاءالله زید، مارمل تومنیده زلزلهدن جبرلنگنلر گه یاردم کورسهتیلیشی اوچون سعی-حرکت قیلینماقدهلیگینی بیلدیرهدی.
او شوندهی دیېدی: «اهالی گه یاردم کورسهتیلیشی اوچون بوتون نهادلر گه بویروغ بیریلگن. بلخ فواید عامه ریاستی گه مارمل تومنی یونهلیشلری زلزلهده توسیلگن اېدی آچیب و قیینچیلیگی بولگن حدودلرده دقت قیلیشی ایتیلگن.»
قویاش ۱۴۰۴-ییل، ۱۲-عقربده یوز بیرگن زلزلهده بلخده ۱۴۶ یشش اوی بوزیلگن و کوپینچه عایلهلر اوشبو زلزله طفیلی جبرلنگن.
