سمنگان ولایتی محلی رسمیلری، زلزله طفیلی اوشبو ولایتده ۵ کیشی هلاک بولیب و ۱۴۰ دن آرتیق کیشی یرهلنگنینی معلوم قیلگنلر.
زلزله، ۱۱-عقرب، یکشنبهدن دوشنبه گه اوتر کیچه، پایتخت کابل شامل مملکتنینگ تورلی ولایتلریده سېزیلگن.
سمنگان اخبارات و مدنیت ریاستی، بو ولایتنینگ ساغلیقنی سقلش ریاستیگه اساسلنیب ایتیشیچه، اوتگن کیچه ساعت ۱:۰۰ اطرافیده سمنگان اینیقسه خُلم و تاشقورغان حدودلریده زلزله یوز بیریب و اونینگ نتیجهسیده چمهسی ۵ کیشی هلاک بولیب و ۱۴۰ دن آرتیق کیشی یرهلنگن.
مذکور اداره گه کوره، زلزله طفیلی حاضرگه قدر ۴ اولگن و ۶۵ یرهدار کیشی خُلم تومنی کسلخانهسی و بیر اولگن و ۷۸ یرهدار سمنگان ولایتی کسلخانهسیگه آلیب باریلگن.
سمنگان ساغلیقنی سقلش سۉزلاوچیسی صمیم جوینده، تلفات رقمی آشماقده و آدملرنینگ کسلخانه گه انتقال بیریش جریانی دوام اېتماقدهلیگینی بیلدیرگن.
زلزله باعث، تاشقورغان یونهلیشی موترلر یوزیگه توسیلگنی اېتیلگن.
