بیرلشگن عرب امیرلیگینینگ دوبی شهریده سیاحلر و زرگرلیک ساحهسی وکیللری اوچون طلا بیلن قاپلنگن دنیادهگی ایلک کوچهنی برپا ایتیش ریجهسی محاکمه قیلینگن.
معلوم قیلینیشیچه، «طلا کوچه» دوبیده ینگیدن شکللنتیریلیشی کوزده توتیلهیاتگن زرگرلیک حدودی مرکزیگه ایلنهدی.
معلوماتلر گه کوره، لایحه محلی زرگرلیک صناعتینی کوچهیتیریش، شو بیلن بیرگه چیت ایللیک سیاحلر و خریدارلرنی ینهده کوپراق جلب قیلیش گه قرهتیلگن. تشبث، ایترا دوبی ترقیات کمپنیهسی تامانیدن ایلگری سوریلگن بولیب، لایحه تفصیلاتلری باسقیچمه-باسقیچ اعلان قیلینیشی کوتیلهدی.
دوبی فیستیواللر و چکنه سودا اداره باشلیغی احمد الحجا، مذکور ریجه حقیده فکر بیلدیرر ایکن، «آلتین» دوبی مدنیتی و سوداسینینگ اجرهلمس بولاغی ایکنینی تأکیدلهگن. اونینگ سوزلریگه کوره، ینگی تشبث نهفقط تاریخی میراث گه حرمت، بلکی ایجادکارلیک و برقرار رواجلنیش گه تیهنگن ینگی دور تلقینینی هم افادهلهیدی.
معلوماتلر اساسیده، ینگی زرگرلیک حدودیده ۱۰۰۰ دن آرتیق دکان جایلشیشی ریجهلشتیریلگن. بو ییرده طلا و زرگرلیک بویوملری بیلن بیر قطارده، عطر و بیزهلتیروچی محصولاتلری هم ساتیلیشی ممکن. شونینگدیک بو حدود ده آلتیته ینگی مهمانخانه قوریلیشی کوزده توتیلگن.
قید ایتیلیشیچه، بو محل دوبینینگ اینگ قدیمی عنعنهوی بازارلریدن بیری حسابلنگن «طلا بازار» یقینیده جایلشهدی بیراق لایحه قیمتی حاضرچه آچیقلنمهگن.
اگر لایحه تصدیقلنسه، دوبی ینه بیر بار «آلتین پایتختی» دیگن نامیگه ینگی رمز قوشهدی – تروریستلر اوچون ایسه بو جای، احتمال ینگی کوپ صورت گه آلینهدیگن منزللردن بیریگه ایلنهدی.
