پایتخت کابل شهریدهگی هیداوچیلردن بیرقطارینینگ ایتیشیچه، بازارده تیل نرخی آشیشی باعث درآمدلری آزهیب و کوندهلیک احتیاجلرینی حل قیله آلمسلیک بیلن دوچ بولگنلر.
کابل شهریدهگی هیداوچیلردن بولمیش عبدالمومن، تیل نرخی آشیشی باعث عایله احتیاجلرینی تأمینلش گه قوربی یېتمهیاتگنینی معلوم قیلهدی.
او شوندهی دیېدی: «کابل شهریده تکسی هیدهی من، سۉنگی کونلرده گاز و تیل نرخی کوتریلگن و بیز اېسه قیینچیلیک بیلن دوچ بولگن میز. اگر تیل و گاز قیمت بولسه کوندهلیک درآمدیمیز کمهیب و احتیاجلریمیزنی تأمینلهی آلمهیمیز.»
کابل شهریده هیداوچیلردن باشقه بیری شفیقالله گه کوره، سۉنگی هفتهلرده تیل نرخی ۶۰ افغانیدن ۷۲ افغانی گه کوتاریلگن؛ بو اېسه ایش کونلری توگهگچ چونتهگیده جوده آز پول قالیشیگه سبب بولماقده.
اونینگ ایتیشیچه: «مسئوللردن تیل قیمتی خصوصیده دقت قیلیشلرینی اېستهیمیز، چونکه اقتصادی قیینچیلیک بار و ایرتهلبدن شام گه قدر ایشلهگن پول تیل و گاز اوچون مصرف بولهدی و عایله احتیاجلرینی تأمینلش گه هېچ نرسه قالمهیدی.»
کابل شهر نوده تیل تانکی مسئولی رشاد زلمی، تیل نرخی کوتاریلگنینی تصدیقلب، اسلام امیرلیگی تامانیدن صفتسیز تیل وارد قیلینیشی آلدی آلینگنی و باشقه بعضی عامللر نرخنینگ بازارده آشیشیگه سبب بولگنینی ایتهدی.
رشاد زلمی شوندهی دیېدی: «اسلام امیرلیگی تامانیدن ایراندن پست صفتلی تیل وارد قیلینیشی آلدی آلینگن و بو ایش مملکتده تیل نرخینی آشیرگن.»
شو بیلن بیرگه، افغانستان سودا و سرمایه یاتقیزیش اتاق اعضاسی خان جان الکوزینینگ ایتیشیچه، حاضر فقط یوقاری صفتلی تیل افغانستان گه آلیب کیلینماقده و اونینگ نرخی یوقاری دیر.
اونگه کوره: «مملکتده تیل نرخینینگ آشیش سببلریدن بیری دنیا بازارلریده نفت نرخینینگ کوتریلیشی دیر. دنیا بازاریده نفت نرخی آشگنی اوچون تیل هم قیمتلشگن. ېنه بیر سبب- سالنگ یولی بولیب، کتته موترلر کیره آلمهیپتی. شونینگدیک، افغانستان اسلام امیرلیگی تیل وارد قیلینیشی اوچون انیق معیار بیلگیلهگن اونگه کوره، پست صفتلی ۸۰ و ۸۲ مرهکلی تیللرنی آلیب کیریش تقیقلنگن، فقط ۹۲ و ۹۳ نفتلی تیل گه رخصت بیریلگن. شو سببلی تیل نرخی آشیب کیتگن.»
کابل بلدیهسی مسئوللری گه کوره، بازارنینگ نفت محصولاتلری جملهدن تیل ساتیش جریانی نظارت آستیده بولیب، هېچ بیر تیل تانکی مستقل روشده نرخنی آشیره آلمهیدی.
کابل بلدیهسی سۉزلاوچیسی نعمتالله بارکزی شوندهی دیېدی: «اېندیلیکده ۸۲ تورلی تیل وارد قیلینمهیپتی و فقط ۹۰ تورلی تیل مملکت گه وارد قیلینهدی. اونی سببی هم، تیللرنینگ پست صفتلی بولگنی دیر شونینگ اوچون دولت بوندهی تیل وارد قیلینیشینی تقیقلهگن. صفتی بلند بولمهگن تیل تانکرلری قیتریلهدی. شونینگ اوچون ۸۰ و ۸۲ رسوملی تیل بازارده یوق و نرخلر آشگن.»
افغانستان نفت محصولاتلرینی وارد قیلووچی مملکت بولیب، خلقارا بازارلر نرخلریدهگی اوزگریشلر ایچکی بازاردهگی تیل نرخی گه تأثیر قیلهدی. شو بیلن بیرگه، پست صفتلی تیل وارد قیلینیشی آلدی آلینگنی اوچون، مجازلر ارزان نرخده تیل ساتیب آلالمسلیککه سبب بولگن.
