زلزله، بعضا اولیم، بعضا ویرانلیک و بعضا ایسه ایکیسیگه سبب بولهدی؛ کنر ده یوز بیرگن سونگی زلزله ایکیسینی بیرگه کیلتیرگن؛ بو واقعه یشش صحنهسیده کوپینچه حیات و آرزولرنی اورتهدن کیتگزگن.
کنر ولایتی چوکی (څوکی) تومنینینگ دیوهگل درهسیده جایلشگن اندرلچک مکتبی اوقووچیسی و بیر کونی شفاکار و مهندس بولماقچین بولگن فیصل و سلیم، حاضر ایسه صنفده جایلری بوش قالیب و آرزولری توپراق آستیده قالگن. اولرنینگ اوقیتووچیسی بولمیش شاهمحمدنینگ ایتیشیچه، بو مکتبدهگی اوقووچیلردن ۱۱ تهسی شهید و باشقه ۲۵ تهسی یرهلنگن. او، مذکور اوقووچیلردن هر بیرینینگ شفاکار و مهندس بولیش آرزوسی گه ایگه بولگنینی بیان قیلگن.
شاهمحمد، کوز یاشلرینی سیریب و کوپهیتیریشیچه: «صنف گه بارگنیمده، فیصل اسملی اوقووچیم کوزیمگه کوریلهدی. فیصل کوپ یخشی بیر اوقووچی ایدی. دایم بیر کونی شفاکار یا-ده مهندس بولهمن دیدی. اوقووچیلریمدن باشقه بیری سلیم هم جوده اخلاقلی و هوشیار اوقووچیلردن بیری ایدی که شهید بولدیلر.» مذکور اوقیتووچیگه کوره، فیصلنینگ اولگنیدن جودهیم قیغولگن؛ چونکه اونینگ آتهسی بیش ییل آلدین سرطان کسللیگی طفیلی وفات قیلیب و حاضر آنهسی هم شهید بولگن.
شاهمحمد فیصل و سلیمنینگ خاطرهلرینی بیان قیلیب و ایتیشیچه، حاضرگچه صنفده اولرنینگ بوش جایلری بیلینهدی و اولرنینگ یوقلیگی اذیت قیلهدی. «اولر اخلاقلی و منظم اوقووچیلر ایدی. کتابچه و قلملری دایم درست و منظم ایدی. بو اوقووچیلر باشقهلرگه بیر نمونه صفتیده ایدیلر. اولر دایم مینگه قرهب بیر کونی اوقیتوووچی یا-ده مهندی بولهمیز دیدیلر. حاضر یوقلر و اولرنینگ یوقلیگیدن قیغولنهمن.»
کنر ده یوز بیرگن زلزله، حیاتلردن کوپینچهسینی توختهتدی و کوپینچه کیشینینگ روحینی یرهلنتیردی. شاهمحمدنینگ ایتیشیچه، اوقووچیلر اوتمیش کبی اوقیشگه اونچه قیزیقمهیدی؛ بالهلر بیر آز سیس بیلن هم جایلریدن توختهیدیلر و ایشیککه قرهیدیلر. «اوقووچیلر کوزیده اوتمیشدهگی قیزیقیشنی کورمهیمن. اینگ آز بیر تیبرهنیشدن هم سیمالری رنگی اوچیب قالهدی و ایشیککه قرهیدیلر.» اونگه کوره، حاضرگچه فیصل و سلیمنینگ صنفداشلری حاضرگچه بیر چیککهده اولتیریب و اولر اوچون ییغلهیدیلر. «اولرگه روحیه بیریش اوچون سعیوحرکت قیلهمیز؛ لیکن بیرهمن که بو یرهنینگ قیته توزهلیشی ییللر وقت ایستهیدی.»
شاهمحمد اوتگن واقعه اوچون قیغولنیشی یانیده، کیلهجک خواطرینی هم اوزی بیلن تاشیدی. او قربانلر عایلهلری و بو قیشلاق کیلهجگی توغریسیده خواطرلنگن. او دولت و یاردم بیرووچی نهادلردن، بو قیشلاقده زلزلهدن تیریک قالگن کیشیلرگه اوی قوریلیشی و شونینگدیک تینچ تعلیمی جای یرهتیلیشی توغریسیده سعیوحرکت بولینیشینی سورهگن.
شاهمحمد، فیصل و سلیمنینگ آرزولرینی باشقه اوقووچیلر ذهنیده تیریک سقلش و اولرگه کنر کیلهجگینینگ فقط تعلیم آرقهلی شکللنیشینی انتقال بیریش توغریسیده قاطعیت بیلن قرار آلگن.
