پاسپورت ریاستی و افغانپست شرکتی مسئوللری، بوگون (۸-حوت، چهارشنبه) پایتخت کابلده طلبگارلر اویگه قدر پاسپورت یېتکزیب بیریش جریانی باشلنیشی اوچون، ایکّی تامانلمه شرطنامه امضالهگنلر.
پاسپورت و افغانپست ریاستی مسئوللری، پاسپورت طلبگارلری گه قولیلیک یرهتیش واولر سرگردان بولمسلیگی اوچون بو شرطنامه امضالنگنینی اېتهدیلر.
پاسپورت ریاستی سرپرستی عبدالکریم حسیب گه کوره، کابلدهگی پاسپورت طلبگارلری فورمه تولدیریش و ۱۰۰ افغانی تولش بیلن، پاسپورتلری اویلری گه قدر یېتکزیب بیریلهدی.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه: «افغانپست همکارلیگی بیلن شرطنامه امضالهدیک، پاسپورت ۱۰۰ افغانی عوضی گه اېستهگن کیشینینگ اوی گه قدر یېتکزیب بیریلهدی، حاضر ایشی رسمی طرزده باشلنهدی؛ باشقه بولیمیده قولیلیک کېلتیریش اوچون سعی-حرکت قیلینماقده.»
پاسپورت ریاستی سرپرستینینگ تأکیدلشیچه، حاضرگی کونده بو ریاستنینگ تخنیکی قیینچیلیکلری حل بولگن و افغانستان مقیاسیده پاسپورت توزیع قیلیش سانی آشگن.
اوشبو مناسبت بیلن اوتکزیلگن ییغیلیشده، افغانپست شرکتی باشلیغی رحمتالله مکی، بو جریان تیزلشتیریلیشی و کوپراق قولیلیک یرهتیش اوچون بو بولیمدهگی خادملر سانینی کوپهیتیریش گه سعی-حرکت قیلماقدهلیکلرینی اېتهدی.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه: «بوندن آلدین یشاوچیلر هفتهلر پاسپورت آلیش اوچون کوتلر اېدیلر، بیراق حاضر هر کونی یشاوچیلر گه پاسپورت توزیع قیلینماقده؛ بیز پاسپورت ریاستی بیلن اهالی گه قندهی قولیلیک یرهتیش اوچون کېلیشدیک، بو کېلیشوو اساسیده بوندن کېین یشاوچیلرنینگ پاسپورتی اویلری گه قدر یېتکزیب بیریلهدی.»
افغانپست و پاسپورت ریاستی مسئوللرینینگ ایتیشلریچه، پاسپورت توزیع و ثبت قیلیش سیستمیده، طلبگارلرنینگ انیق منزلی و باشقه معلوماتلری کېریتیلیشی اوچون، علیحده بولیم ایجاد اېتیلیشی ممکن.
بو جریان حاضر رسمی طرزده کابلده باشلنگن، بیراق کېلهسی ییلده هرات، قندهار، مزارشریف و جلالآباد زونلریده باشلنیشی ممکن.
