بامیان ولایتی نینگ سیغان تومنیده بیر عیال عایله‌وی قیین‌چیلیکلر سبب، تیزاب ایچیش بیلن خودکش‌لیککه اقدام قیلگن.
بامیان ولایتیدن بیرقطار منبع‌لرنینگ سلام‌وطندارگه ایتیش‌لریچه، اوشبو عیال ایکی ییل آلدین خاتینی بولگن بیر ایرکک بیلن تورموش‌گه چیقگن و عایله‌وی قیین‌چیلیکلر سبب، خودکش‌لیککه اقدام قیلگن.
امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، بو عیال باشقه بیرعیال نینگ بدلی‌گه قرشی اوشبو ایرکک بیلن تورموش قورگن ایکن.
مذکور عیال حاضرده بامیان کسلخانه‌سیده درمانلنیش آُستیگه قرار بیریلگن. اونینگ سلام‌وطندارگه ایتیشیچه، تورموش اورتاغی (ایری) دن اجره‌لیشینی ایسته‌یدی.
بامیان کسخانه‌سی داکترلریدن بولمیش عبدالمتین متین نینگ ایتیشیچه، اوشبو عیال نینگ حاضمه و تنفسی سیستمی تیزاب ایچکنی سبب، تخریب بولگن.
بامیان ولایتی بوییچه عیاللر ریاستی باشلیغی ذکیه رضایی نینگ بو خبرنی تصدیق‌لب ایتیشیچه، بو واقعه نی تیکشیریش اوچون سعی و حرکت‌لر باشلنگن.
