لغمان ولایتیدن اعتبارلی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، بوگون “پنجشنبه” ایرته‌دن چاغیده اوشبو ولایت نینگ دولتشاه تومنی طالبان قولیگه سقوط قیلگن. منبع نینگ ایتیشیچه، بو تومن نیچه مدت‌دن بویان طالبان قمراویگه قرار تاپگن ایدی و اوشبو مدتده هیچ‌قنده‌ی کمکی کوچ یوباریلمه‌گن.
منبع نینگ ایتیشیچه، طالبان جنگریلری دولتشاه تومنیده باره‌دیگن یول‌لرگه ماین جایلشتیریلگن و امنیتی کوچلر اوشبو تومن‌ده باره آلمه‌یدی. اونینگ کوپه‌یتیریشیچه، امنیتی کوچلر اوتگن کیچه بو تومن‌نی ترک قیلگن‌لر و طالبان گروهی ایرته‌لب ساعت ۷ ده اوشبو تومن‌نی کامل صورت تصرف قیلگن‌لر.
لغمان محلی مسوول‌لری حاضرگه‌قدر بو تومن نینگ طالبان قولیگه سقوط قیلگنی خصوصیده فکر بیلدیرمه‌گن.
دولتشاه یشاوچی‌لریدن بیرقطاری نینگ سلام‌وطندارگه ایتیشلریچه، اوشبو تومن چیککه‌سیده بادپخ و علیشنگ تومنیده بیرقطار امنیتی پوسته‌لر طالبان قمراویگه قرار تاپگن.
اولرنینگ آگاه‌لنتیریش‌لریچه، کمکی کوچلر یوباریلمه‌گن صورتده، مذکور تومن‌لرنی طالبان قولیگه سقوط قیلیشی ممکن.