غور ده شفاکارلردن قطارینینگ ایتیشلریچه، عیاللر آرقهلی حاملهدارلیکدهگی آگاهلنتیرووچی بیلگیلرگه اعتبارسیزلیک، جنین توشیشی، وقتدن آلدین توغیش و آنه ساغلیگی توغریسیده جدی قیینچیلیکلرگه سبب بوله آلهدی.
مذکور شفاکارلر، قان کیتیش، قریننینگ جدی شکلده آغریشی، قول و ایاق همده یوزنینگ بیردن شیشیشی، جدی شکلده باش آغریقلر، نفس قیسیش، کوریش قیینچیلیکلری و جنین قیمیردهشی کمهیشی نی، حاملهدارلیکدهگی آگاهلنتیرووچی بیلگیلردن دیب و تاکید قیلیشلریچه، بو بیلگیلرگه اعتبار قرهتمسلیک آنه بیلن چقهلاق حیاتینی خوف آستیده قرار بیریشی ممکن.
بیزلرنینگ فیسبوک صحیفهمیزگه باش اورینگ!
غور ولایتیده نسایی-ولادی بولیمی شفاکارلریدن بیری سحر رحیمینینگ سلاموطندار گه ایتیشیچه، جدی شکلده قان کیتیشی حاملهدارلیکدهگی آگاهلنتیرووچی بیلگیلردن بیری بولیب و عیاللرنینگ اونگه توجه قرهتیشی کیرهک.
اونینگ کوپهیتیریشیچه: «حاملهدارلیکنینگ باشلریده آز آز قان کیتیریشلر نرمال بولهدی و تشویش قیلیش اوچون هیچ بیر موضوع یوق؛ لیکن قان کیتیشنینگ بیراز جدیراق بولگنیده، بو کیین نرمال ایمس و شونینگدیک جنیننینگ سقط بولگنی و بچهداندن تشقیده حمل آلینگنی یا-ده یولداشنینگ پست جایلشگن بولیشی ممکن. مذکور پیتده آنهنینگ استراحت قیلیشی و اوندن کیین شفاکار گه مراجعت قیلیشی کیرهک.»
غور دهگی شفاکارلردن باشقه بیری حکیمه کاظمی، حاملهدار عیاللرده بو بیلگیلر کوریلگنی چاغیده، اولرنینگ شفاکار گه باریشلری نیاز بولگنی توغریسیده ایتیشیچه: «بو علایملر بیلن روپهره بولگنلری صورتده، تیزلیک بیلن نسایی-ولادی بولیمی شفاری و عیال بیر متخصص یا-ده قابله یانیگه باریشلری کیرهک.»
عین حالده، تورت باله آنهسی بولمیش ۳۱ یاشر لیلیماهنینگ ایتیشیچه، حاضرگچه حاملهدارلیکدهگی آگاهلنتیرووچی بیلگیلر اوچون آگاهیلیک و مصلحت قولگه کیلتیرمهگن.
اونینگ کوپهیتیریشیچه: «هیچ کیم تاماندن درست بیر مصلحت آلمهگنیم اوچون، بیر چقهلاغیم توشدی. آغیر بیر نرسهنی کوتاردیم؛ چقهلاغیم سقط بولدی. چقهلاغیم توشگنیدن کیین شفاکار یا-ده کلینیککه هم بارمهدیم، چونکه اوزاق ایدی و اقتصادیمیز هم اونچه یخشی ایمس. موتر و موترسایکل هم یوق ایدی که بارسهم. قان کیتگن ایدی و چقهلاغیمنینگ توشگنینی بیلمهیدیم. چقهلاغیم توشگنی سببی شو ایدی که مینگه هیچ کیم هیچ نرسه دیمهگن ایدی.»
ایکی باله آنهسی بولمیش ۲۸ یاشر حنیفهنینگ ایتیشیچه، مسلکی شفاکارلر و زمانهوی ساغلیق خذمتلر یوقلیگی سبب، ایکی بالهسینی هم محلی دایهلر یاردمی بیلن قیین بیر شرایطده دنیا گه کیلتیریشگه مجبور بولگن.
بیزلرنینگ «ایکس» ترماغی ده هم تعقیب قیلینگ!
اونینگ کوپهیتیریشیچه: «حاملهدارلیک دورهسینی بیلمهیمن که قنچه قیینچیلیکلری بار؛ انه شوو کیکسه عیاللر آغیر نرسهلرنی کوتارمه دیهدیلر. کیلینک و کسلخانهلر هم بیزلردن ازواقده. اونچهلیک معلوماتیمیز هم یوق. بو ییرده کوپراق کیکسه عیاللر گپی ایشیتیلهدی، حامله عیاللر کوپراق اوشبو کیکسه عیاللر یانیگه آلیب باریلهدی و بیزلرنینگ اونچه معلوماتیمیز یوق و توغیش پیتیده هم مذکور عیاللر یانیگه بارهمیز.»
ایتیش کیرهک که، یامان عاقبتلرنینگ آلدینی آلیش اوچون حاملهدار عیاللر، حاملهدارلیک دوریده منظم روشده شفاکار نظارتیده بولیشی کیرهک. بو ایسه حاملهدارلیک و توغیش جریانیده یوزگه کیلیشی ممکن بولگن قیینچیلیکلر آلدینی آلیشگه یاردم بیرهدی.
