شفاکارلر حاملهدار و ایمیزیکلی عیاللر گه روزه توتیش خوفلریدن آگاهلنتیرسهده؛ لیکن مذکور عیاللردن قطاری رمضان آییده روزهلرینینگ بوتونلی شکلده توتیشنی معقول کورهدیلر.
نسایی ولادی متخصصی زرغونه محبتگه کوره، حاملهدارلیکنینگ تورتینچی آییدن سونگ روزه توتیش، چقهلاق و آنه اوچون ساغلیق قیینچیلیکلرگه سبب بولیشی ممکن. «حاملهدارلیکنینگ تورتینچی آییدن سونگ بیران قیینچیلیک بولگنیده، آنهنینگ روزه توتمسلیگی کیرهک. روزه توتیش جریانیده حاملهدار عیاللرده سوو کملیگی، باش آغریق، یورهک بوزیلیش، چرچهش، قان کملیگی و حالسیزلیک وضعیتی اورته گه کیلهدی و حتا چقهلاقنینگ توشیشی و بچهدان ایچیده چقهلاقنینگ اولیشی یا-ده وقتدن آلدین دنیا گه کیلیشیگه سبب بولهدی.»
نسایی ولادی شفاکارلریدن باشقه بیری تبسم فدانینگ ایتیشیچه، چقهلاق آلتی آیلیگینی تولدیرمهگن بولسه، روزه توتیشی آنهنینگ توییملی مادهلری کم بولیشیگه سبب بولیب و چقهلاق رشدینی قیینچیلیککه روپهره قیله آلهدی. «ایمیزیکلی عیال چقهلاغینینگ اوچ دن آلتی آیلیگیگه قدر روزه توتمسلیگی کیرهک، چونکه آنهنینگ سوتی کمهیشیگه و چقهلاقده توییملی آوقت، ویتامینلر و معدنی مادهلر کمهیشیگه سبب بولهدی. شونینگدیک چقهلاق وزنیگه هم تاثیر قیلهدی.»
ایچکی بولیملر عمومی متخصصی هلمند صدیقنینگ ایتیشیچه، حاملهدار و ایمیزکلی عیاللر لابراتور معاینهلرینی اوتکزیشدن کیین، مخصوص بیر ساغلیق قیینچیلیکلری و قان کملیگی بیلن روپهره بولمهگنیده، اوزلری و بالهلری سلامتلیگینی سقلش اوچون پروتینلی و توییملی آوقتلرنی صرفلش بیلن روزه توته آلهدیلر. «حاملهدار و ایمیزیکلی عیاللر، شفاکارلری آرقهلی لابراتوار معاینهلری اوتکزیلگنیده، بیر قیینچیلیکلری و قان کملیگی بیلن روپهره بولمهگنلریده و شونینگدیک ایمیزیکری عیاللرده مخصوص بیر قیینچیلیک بولمهگنیده، تاووق گوشتی، بلیق و توییملی آوقتلردن فایدهلنیش بیلن روزه توته آلهدیلر.»
شفاکارلر حاملهدار و ایمیزکلی عیاللرنینگ احتیاط قیلیب و شفاکار مصلحتی بیلن روزه توتیشلریگه تاکید بولگنی بیرحالده؛ لیکن عیاللردن قطارینینگ ایتیشلریچه، شفاکاردن سورهمسدن روزه توتهدیلر.
حاملهدارلیگینینگ سکیزینچی آییده بولگن ۳۹ یاشر یاسمینگه کوره، شفاکاردن سورهمهی روزه توتیشگه دوام بیرماقده. اونینگ کوپهیتیریشیچه، کون بویی جدی شکلده سووسیز و آچقالیب و چقهلاغی قیمیردهشی کمهیشینی حس قیلهدی. «حاملهدارلیکنینگ سکیزینچی آییدهمین و روزه توتهمن. حاضرگچه شفاکار گه بارگنیم یوق، بیراق منظم شکلده روزه توتهمن. جودهیم آچ قالیب و سووسیز قالهمن. شونینگدیک بچهدانیم ایچیده جنین قیمیردهشی کمهیگنینی حس قیلهمن.»
حاملهدارلیگینینگ ایکینچی آییده بولگن سحر، بعضا روزه توتیشی و چرچهگنینی حس قیلگنیده روزه توتمسلیگینی بیان قیلیب و ایتیشیچه: «بعضی کونلر روزه توتهمن، لیکن کوپراق چرچهگنیمنی حس قیلسم، روزه توتمهیمن. بو ییل روزه توتلمهیمن چونکه شفاکاریم ایتگن که سوو کملیگی و ضعیفلیک خوفلی بوله آلهدی دیب.»
تورت آیلیک بالهسی بولگن ۲۴ یاشر سونیتا فروخینینگ ایتیشیچه، روزهدارلیک جریانیده سوتی کمهیگنی سبب چقهلاغی اوچون قوروق سوتدن فایدهلنگن. اونینگ کوپهیتیریشیچه، روزه توتیشی پیت فشاری قویی کیلیب و جدی شکلده سووسیز قالهدی. «تورت آیلیک چقهلاغیم بار و مین روزه توتهمن. روزه توتگنیمدن بیری سوتیم کمهیگن و چقهلاغیمگه سلبی تاثیری بولمسلیگی اوچون اوز سوتیم یانیده قوروق سوتدن هم فایدهلنهمن. کون جریانیده فشارم هم پس توشهدی و آچ و سووسیز قالهمن.»
شوندهی بیرحالده، دین عالملرینینگ ایتیشلریچه، حاملهدار حساس شرایطی و ایمیزیکلی عیاللر، روزه توتیشدن معاف بولگن. دین عالملریدن رحیمالله کشافنینگ ایتیشیچه، روزه توتیش آنه و چقهلاق اوچون خوفلی بولگنیده، روزه توتیلمهی و کیین قضا شکلده توتیلیشی کیرهک. «حاملهدار عیاللرگه شفاکارلری معاینه قیلگنیده اولرنینگ ضعیف بولگنی و روزه توتیشلری چقهلاققه آزراق انرژی ییتیشیشی و چقهلاق آنهنینگ روزه توتیشی بیلن جبرلنیشی بیللی بولگنیده، مذکور عیاللر روزهلرینی ییه آلهدیلرم.»
عیاللردن قطاری آگاهلنتیریشلر بولسهده، شخصی و اعتقادی سببلر گه روزه توتگنلری بیرحالده، شفاکارلر حاملهدارلیک و ایمیزیش جریانیده آنه و چقهلاق اوچون روزه توتیش خوفلری احتمالی و هر بیر کیشینینگ ساغلیق وضعیتی تیکشیریلیشیگه تاکیدلهیدیلر.
