پاکستان رسمیلرینینگ ایتیشلریچه، هندوستان آرقهلی پاکستاننینگ کنترولی آستیده بولگن پنجاب و کشمیر ایالتلریگه اویوشتیریلگن هجوم نتیجهسیده، ۳۱ کیشی اولیب و اونلب کیشی یرهلنگن.
قربانیلر رقمی کوپهیشی بیلن بیرگه، پاکستان باشوزیری شهباز شریف، ینه بیر مرته هندوستان نی «قصاص آلیش» گه تهدید قیلگن.
بیزلرنینگ «ایکس» ترماغی ده هم تعقیب قیلینگ!
الجزیره آژانسینینگ گزارش بیریشیچه، هندوستاننینگ پاکستان گه قرشی هوا هجوملریدن بیر کون اوتیب، کشمیر چیگره حدودلریده آغیر آتیشمه دوام ایتماقده.
شونینگدیک هندوستاننینگ گزارش بیریشیچه، نظارت آستیدهگی کشمیرده پاکستان بیلن ایکی تامانلمه اوروش نتیجهسیده، کمیده ۱۳ کیشی اولیب و شونینگدیک بیر قطار کیشی یرهلنگن.
هندوستان اردوسی ۱۶-ثور، سهشنبهدن چهارشنبه گه اوتر کیچه پاکستاننینگ بعضی منطقهلرینی راکته بیلن نشانگه آلگن که اونگه قرشی اسلامآباد، بیر عملیات نتیجهسیده هندوستان بیش جنگری اوچاغی همده اوشبو مملکتنینگ بعضی چیگره پوستهلرینینگ اورتهدن کیتگزگنینی معلوم قیلگن.
بیزلرنینگ فیسبوک صحیفهمیزگه باش اورینگ!
هندوستان اردوسی، اوتگن کون عصر چاغی خبری بیر ییغیلیشده ایتیشیچه، عملیاتیده «ترورچیلیک» آستقورمهلرنی نشان گه آلگن؛ بیراق پاکستاننینگ ادعا قیلیشیچه، هندوستاننینگ راکتهلریده مسجدلر و تینچ اهالی نشانگه آلینگن.
هستهای قوراللر گه ایگه بولگن ایکی مملکت اورتهسیدهگی کیسکینلیک، ۲۲ اپریل هندوستان نظارتیدهگی کشمیرنینگ پهلگام حدودیگه اویوشتیریلگن هجومدن سونگ کوچهیگن که هندوستان بو هجوم اوچون پاکستاننی عیبلهگن. پاکستان بو واقعهده هر قندهی ارهلشنی رد قیلگن.
