هندوستان رسمیلری، اوشبو مملکتده شبهنظامیلرنینگ سیاحتچیلر گه هجومی عاقبتیده کمیده ۲۶ کیشی هلاک بولگنینی معلوم قیلگنلر.
رویترز کوره، ۲-ثور، سهشنبه کونی بیرقطار شبهنظامیلر هندوستاننینگ «جامو و کشمیر» ایالتیده سیاحتچیلرنی اوققه توتگن.
بیزلرنینگ فیسبوک صحیفهمیزگه باش اورینگ!
معلوماتلر اساسیده، اوشبو هجومده ۲۵ هندوستانلیک و بیر نیپاللیک هلاک بولگن. بو سۉنگی ایکّی دههده هندوستانده تینچ اهالی گه قرشی اویوشتیریلگن اېنگ قانلی هجوم اتهلگن.
بوندن آلدین یېتکرمهلر، اوشبو تفریحی مکانده، قوراللی کیشیلرنینگ اوق آتیشی عاقبتیده ۲۰ سیاحتچی هلاک بولیب و باشقه کمیده ۳۶ کیشی یرهلنگنینی اېتگن اېدیلر.
بیزلرنینگ «ایکس» ترماغی ده هم تعقیب قیلینگ!
«کشمیر مقاومتی» آتیدهگی گروه، هجوم مسئولیتینی تن آلیب و مقصدلری بو منطقهده هندوستان یشاوچیلرینینگ ناقانونی جای آلیشی گه توسیق بولیش دیگنلر.
هندوستان باش وزیری نرندرا مودی، بو هجومنی قارهلب و جنایتچیلرنی عدالت گه تاپشیریش وعدهسینی بیرگن.
