ایران ییتکرمهلری، اوشبو مملکتدن افغانستانلیک قاچقینلرنینگ چیقریلیش مدتی اوزهیتیریلگنیدن خبر بیرگنلر.
خراسان رضویده ایران تشقی ایشلر وزیرلیگینینگ نمایندهلیک باشلیغی احمد معصومیفرگه کوره، حجتسیز افغانستانلیک قاچقینلرنینگ چیقریلیش مدتی ۱۵-سنبلهگچه اوزهیتیریلگن.
بیزلرنینگ فیسبوک صحیفهمیزگه باش اورینگ!
خراسان رضویده ایران تشقی ایشلر وزیرلیگی نمایندهلیک باشلیغینینگ ایتیشیچه، حجتسیز افغانستانلیک قاچقینلر ۱۵-سنبلهدن کیین یشش جریمهسینی تولهشلری ممکن.
احمد معصومیفرنینگ اورغولشیچه، ایران گه قانونی شکلده بارگن افغانلر، بو مملکتده قاله آلهدیلر.
ایران بوندن آلدین، حجتسیز افغانستانلیک قاچقینلرنینگ چیقریلیش مدتینی جاری قویاش ییل ۱۵-سرطانگچه تعیین قیلگن ایدی.
شونینگدیک ایران ییتکرمهلری، هرات حاکمینینگ خراسان رضویگه سفر قیلگنیدن خبر بیرگن.
گزارشلر گه کوره، هرات حاکمی خراسان رضوی حاکمی بیلن ایکی تامانلمه همکارلیکلر حقیده صحبت قیلگن.
بیزلرنینگ «ایکس» ترماغی ده هم تعقیب قیلینگ!
شوندهی بیرحالده، خراب رضوی ده دوغارون قتناو یولی و اسلامقلعه چیگرهسیدن افغانستانلیک قاچقینلر چیقریلیشینینگ دوامی بار.
گزارشلر اساسیده، کونده ۳۰دن ۳۵ مینگ افغانستانلیک قاچقین ایران دن چیقریلهدی.
