دایکندی امنیه قوماندانلیگی نینگ رسانه‌لر دفتری بیر خبرنامه ترقه‌تیش بیلن ایتیشیچه، اوتگن کون (پنج‌شنبه، ۱۷-حمل)، اوشبو ولایت مرکزی نیلی شهری نینگ حدود‌لری گه قره‌شلی «خوالک» اسم‌لی قیشلاغی‌ده، ایکی موترسایکل نینگ توقنشوی نتیجه‌سیده، ایکی کیشی اولیب و بیر کیشی ایسه یره‌لنگن.
بیزلرنینگ توییترده هم تعقیب قیلینگ!
خبر‌نامه‌ده کیلیشیچه، حادثه‌ده یره‌لنگن کیشی درمان اوچون کسل‌خانه گه انتقال بیریلگن و اونینگ وضعیتی ایسه قانیقرلی دیر. خبرنامه اساسیده، مذکور حادثه اوتگن کون شام چاغی ساعت ۶:۰۰ اطرافیده، هیداوچیلر نینگ دقت‌سیزلیگی و تیز هیده‌یشی سبب، یوز بیرگن.
احتیاط‌سیزلیک، ترافیکی قاعده-قانون نینگ رعایت قیلمه‌سلیک، سرک‌لر نینگ خراب‌لیگی و کیچیک‌لیگی، مملکت اینیقسه دایکندی‌ده ترافیکی حادثه‌لر گه سبب بوله‌دیگن اصلی عامل‌لردن دیلگن.
بیزلرنینگ فیسبوک صحیفه‌میزگه باش اورینگ!
عین حالده، اوتگن کون دایکندی نینگ شهرستان تومنی‌ده اسلام امیر‌لیگی کوچلری نینگ بیر رنجری، ۵۵ یاشر بیر ایرکک نی باسگن دیر که، نتیجه‌ده مذکور ایرکک هلاک بولگن.
