اۉزبېکستان، آذربایجان و قزاقستان دولت رهبرلری، باکو شهریده بیرلشگن ملتلر تشکیلاتی‌نینگ اقلیم اۉزگریشی بوییچه ییغیلیشی یانیده، بوگون (۲۳-عقرب/۱۳-نومبر، چهارشنبه) «یشیل» برق‌نی کېنگه‌یتیریش و انتقال بیریش لایحه‌سینی امضاله‌گنلر.
بو اوچ مملکت‌نینگ رهبرلری شوکت میرضیایف، الهام علی‌اوف و قاسم جومارت توکایف برق تېزیملرینی اۉزارا باغلب، شمال و قویاش‌دن برق ایشلب چیقریب و اروپا گه انتقال بیریش نیتیده اېکنلری اېتیلگن.
بیزلرنینگ فیسبوک صحیفه‌میزگه باش اورینگ!
معلومات‌لر گه کوره، بو اوچ مملکت‌نینگ «یشیل» برقی خزر دینگیزی آرقه‌لی قاره دینگیز گه باریب باغلنیلهدی.
تدبیرده سۉزگه چیققن اۉزبېکستان جمهور باشلیغی شوکت میرضیایف قیته تیکلنووچی برق‌دن اقتصاد مقصد اېمس، بلکه کېله‌جکّه قوشیله‌یاتگن حصه، کېلگوسی اولادلر آلدیگه مسئولیت تویغوسی‌نینگ نتیجه‌سی اېکنلیگینی اېتگن.
بیزلرنینگ «ایکس» ترماغی ده هم تعقیب قیلینگ!
میرضیایف جنابلری، ۱۴۰۳-ییل، ۲۱-عقرب غزه و لبنان‌ده‌گی وضعیت‌نینگ کېسکین‌لشووی همده یقین شرق‌ده‌گی ماجرالرگه تیز فرصت‌ده ییچیم تاپیش چاره‌لرینی ایشلب چیقیش گه بغیشلنگن عرب-اسلام ییغیلیشی‌ده اشتراک اېتیش اوچون رسمی تشریف بیلن سعودی عربستان و اوندن سۉنگ بیرلشگن ملتلر تشکیلاتی‌نینگ اقلیم اۉزگریشی بوییچه ییغیلیشی «کاپ ۲۹» ده قتنه‌شیش مقصدیده اۉتگن کون، آذربایجان گه تشریف بویرگن.