سونگی ییللرده هرات ده خواطرلنتیرووچی بیر جریان شکللنماقده. ایکینچیلیک ییرلر بیر-بیریدن کیین یشش اویلر و شخصی باغچهلرگه اوزگرماقده. هرات یشاوچیلریدن قطارینینگ ایشانچیگه کوره، مذکور اوزگریشلر نه فقط قیشلاقلرنینگ سیماسیگه تغییر کیلتیرگن، بلکیم کیلهجکده آزیق-آوقت خوفسیزلیگی اوچون جدی بیر تهدید حسابلنهدی.
هرات ولایتی رباطسنگی تومنی یشاوچیسی بولمیش عبدالله قادری، بو وضعیتدن خواطر بیلدیریب و ایتیشیچه: «قوروقچیلیکلر و سوو منبعلری کملیگی سبب، ایکینچیلیک ییرلر باشقه ایکیلیش اوچون ییترلی بولمهی و نتیجهده، ایکینچیلیک کیچیکراق بولیب و اهالی ییرلرینینگ ساتیشگه قرار آلگنلر. بو جریان کیلهجکده نه فقط دهقانلر، بلکیم برچه کیشی اوچون آزیق-آوقت محصوللرینینگ کملیگیگه سبب بوله آلهدی.»
بیزلرنینگ فیسبوک صحیفهمیزگه باش اورینگ!
دولتی نهادلر آرقهلی درست شکلده نظارت یوقلیگی، جمعیت کوپهیگنی، قاچقینلر قیتیشی و قشاقلیک، ایکینچیلیک ییرلرنینگ تیزلیک بیلن یشش اویلرگه اوزگریشیگه سبب بولگن. چشتشریف تومنی یشاوچیسی عبدالرحمان محمدینینگ سلاموطندار گه ایتیشیچه: «ایکینچیلیک امکانیتلر یوقلیگی، سوو کملیگی و اقلیم اوزگریشلری سبب، دهقانلر ییرلرینی اویلرگه اوزگرتیرگنلر. عایله اعضالریمیزدن قطاری هم بو قرارنی آلگن.»
باشقه بیر تاماندن، هرات یشاوچیلریدن باشقه بیری محمدیونسنینگ ایتیشیچه: «شهر جمعیتی کوپهیگنی و ایران بیلن پاکستان دن قاچقینلر قیتیشی، یشش جایلر توغریسیده ایستهکنی آشیریب و ایکینچیلیک ییرلرنینگ بنا اوچون ساتیلیشیگه سبب بولگن.»
باشقه بیرتاماندن، یشش محیط بیلرمانلرینینگ آگاهلنتیریشیچه، شهر ترقیاتی برنامهسیزلیک بیلن عملگه آشیریلگنی صورتده، طبیعی منبعلر و آزیق-آوقت خوفسیزلیگیگه جدی شکلده زیان ییتیشتیریشی ممکن. یشش محیط بیلرمانی الهام قاضیزادهنینگ ایتیشیچه: «شهر ترقیاتی افقی حالتدن عمودی گه اوزگریشی کیرهک. فرهنگسازلیک بولیشی کیرهک که اهالی ایکینچیلیک ییرلرنینگ سقلش اهمیتینی بیلسین. شهر مرکزیدن ۲۰-۲۵ کیلومتر فاصلهده و ایکینچیلیک اوچون بولمهگن ییرلرده یشش شهرچهلر قوریلیشی، مناسب یول بوله آلهدی.»
بیزلرنینگ «ایکس» ترماغی ده هم تعقیب قیلینگ!
شوندهی بیرحالده، محلی مسئوللر ایکینچیلیک ییرلرنینگ ساتیلیشی کوپهیگنینی تصدیقلب و بو جریاننینگ کنترول بولیشی توغریسیده آگاهلنتیرگنلر. هرات ایکینچیلیک، سووغاریش و چاروهچیلیک باشلیغی عبدالحی منیرنینگ ایتیشیچه: «اوتگن بیش ییلده هرات ده ایکینچیلیک ییرلردن ۵دن ۱۰ فایزی یشش اویلر و باغچهلرگه اوزگرگن. قوریلیشلردن کوپینچهسی هرات شهری اطرافی و انجیل بیلن گذره تومنلریده عملگه آشیریلگن.»
ایتیش کیرهک که، افغانستان اقلیمی بحرانلر و سوو منبعلری کملیگی بیلن روپهره بولگنی بیر وضعیتده، اوی قوریش مقصد ایکینچیلیک ییرلرنینگ اورتهدن کیتگزیلیشی، کیلهسی نسللر اوچون کوپینچه قیینچیلیککه سبب بوله آلهدی. سیاستچیلر حاضرگی کونده چاره-تدبیر کورمهگنی صورتده، افغانستاننینگ ایرتهسی کونی بوش دسترخوانلر بیلن روپهره بولیشی ممکن.
