اسلام امیرلیگی باش وزیرینینگ اقتصادی اورین باسرلیگی، ایرته (۲۲ دلو/ ۱۱ فبروری، چهارشنبه) «قویاش و تاش کومیر»دن ۸۴۵ میگاوات کوچیگه ایگه برق ایشلب چیقریش شرطنامه امضالنیشیدن خبر بیردی.
اوشبو اداره، بوگون ایکس صحیفهسیده بیر بیانیه ترقهتیب، بو بیش لایحهنینگ ایشگه باشلش شرطنامهسی، عزیزی گروپ و افغانستان برکت ییتکزیش شرکت (برشنا) اورتهسیده امضالنیشینی بیلدیردی.
بیانیهده، اوشبو تدبیرده اسلام امیرلیگی باش وزیرینینگ اقتصادی اورین باسری ملا عبدالغنی برادر و عزیزی گروپ کمپنیهسی عمومی باشلیغی میرویس عزیزی اشتراک ایتیشی قوشیمچه قیلینگن.
بوندن اول، عزیزی گروپ کمپنیهسی اسلام امیرلیگی سوو و برق وزیرلیگی ۱۰ مینگ میگاوات کوچیگه ایگه برق ایشلب چیقریش و انتقال بیریش شرطنامهنی امضالهگن ایدی.
