اسلام امیرلیگی باش وزیرینینگ اقتصادی اورین باسرلیگی، تخارده سپینزر تجارتی شهرچهسینینگ قوریلیش ایشی، بوگون (۱۰-سنبله، دوشنبه) ایکی میلیارد ۴۵۰ میلیون افغانی سرمایه یاتقیزیش بیلن باشلنگنیدن خبر بیرگن.
بیانیه اساسیده، بو شهرچه ایکّی مینگدن آرتیق دکان گه ایگه ۶۰ جریب ییرده قوریلهدی و اوشبو ولایتنینگ مینگلرچه اهالیسی ایش بیلن تأمینلنهدی.
اسلام امیرلیگی باش وزیرینینگ اقتصادی اورین باسرلیگی گه کوره، اوشبو شهرچهده تجارتی غله، میوه، پیاز، کچالو، انشاآتی مواد و دارو ساتیلیشی گه امکانیت یرهتیلهدی.
اسلام امیرلیگی باش وزیرینینگ اقتصادی اورین باسری عبدالغنی برادر، اوشبو لایحهنی آچیش مناسبتی بیلن اوتکزیلگن مراسمده، سرمایه یاتقیزیش و خدماتی و ایشلب چیقریش آست قورمهلر افغانستان اقتصادی ترقیاتی اساسی عامللریدن حسابلنیشینی ایتگن.
اسلام امیرلیگی باش وزیرینینگ اقتصادی اورین باسرلیگی، ملی اقتصادی ترقیات ساحهسیده خصوصی سکتور رولی مهم بولیشیگه تأکیدلب و اسلام امیرلیگی سرمایه یاتقیزوچیلرنی قۉللب-قوتلب و اولرنینگ قیینچیلیکلرینی حل قیلیش گه دقت قیلیشیدن ایشانچ بیرگن.
شو بیلن بیرگه، اسلام امیرلیگی باش وزیرینینگ اقتصادی اورین باسری، تخارده موتر یوویش، نجارلیک دکانلری و خصوصی سکتور انشاآتی شرکتلر ادارهلری لایحهلرینینگ قوریلیش ایشینی آچدی.
