غور قیشلاقلرنی رواجلنتیریش و قیته قوریش ریاستی مسئوللرینینگ ایتیشلریچه، اوشبو ولایت لعلوسرجنگل تومنیده تورتته سوو ییتکزیش ترماقنینگ قوریلیش ایشی باشلنگن.
غور قیشلاقلرنی رواجلنتیریش و قیته قوریش ریاستی ییتکرمهلر بولیمی مسئولی ذبیحالله غوثیزادهنینگ ایتیشیچه، اوشبو سوو ییتکزیش ترماقلر «IAM» موسسهسینینگ مالی حمایتی بیلن، تورت میلیون ۳۴۴ مینگ ۵۲۳ افغانی عوضیگه قوریلهدی.
بیزلرنینگ «ایکس» ترماغی ده هم تعقیب قیلینگ!
جناب غوثیزادهنینگ کوپهیتیریشیچه: «اوشبو لایحه غور ولایتی لعلوسرجنگل تومنینینگ سردشتودهن قولانی، سیابومک کرمان، سیبک تلخک و سروار برگوج قیشلاقلریده، IAM موسسهسینینگ مالی حمایتی بیلن قیشلاقلرنی رواجلنتیریش و قیته قوریش ریاستینینگ نظارتی آستیده عملگه آشیریلهدی.»
اونگه کوره، اوشبو لایحهنینگ عملگه آشیریلیشی جریانیده، اونلب کیشیگه ایش زمینهسی یرهتیلیب و اونینگ ایشی یکونلنیشی بیلن، ۲۳۰ عایله ایچیملیک سوودن فایدهلنهدی.
بیزلرنینگ فیسبوک صحیفهمیزگه باش اورینگ!
غور ولایتی لعلوسرجنگل تومنی یشاوچیلری، مذکور سوو ییتکزیش ترماقلرنینگ قوریلیشیدن خورسندلیک قیلیب، ایچیملیک سوو تامینلنیشی مقصد قیشلاقلرنی رواجلنتیریش و قیته قوریش ریاستی همده همکار موسسهسینینگ سعیوحرکتلریدن قدردانلیک قیلگنلر.
