اسلام امیرلیگی و پاکستان آرهسیده حربی توقنشوولر کوچهیشی بیلن بیرگه، پاکستان دهگی افغانستانلیک قاچقینلرگه قرشی باسیملر هم کوپهیگن. اولر حاضر ایسه یامان بیر وضعیت بیلن روپهرهلر؛ انیقلش، قولگه آلیش و افغانستانلیک قاچقینلرنینگ چیقریش جریانی کینگ کولملی شکلده دوام قیلیب و اهالی، اویلر، یشش محللر و حتا مسجدلرده هم امنیتگه ایگه ایمسلر.
افغانستانلیک قاچقینلردن قطارینینگ ایتیشلریچه، توقنشوولر کوچهیشیدن کیین قاچقینلر برابریده باسیملر کوپهیب و مسجدلردهگی اماملردن قطاری اهالیدن، افغانستانلیک قاچقینلرنینگ کوریلگنی صورتده قانونی اقدام عملگه آشیریلیشی مقصد، پاکستان دولتیگه خبر بیریشلرینی سورهگن.
افغانستانلیک قاچقینلردن بیری نوید سروری، پاکستان ده قاچقینلر اوچون وضعیتنینگ یامان بولگنیدن شکایت قیلیب و ایتیشیچه: «اوشبو ایکی کونده، قاچقینلر وضعیتی جودهیم یامان بولگن، حتا اوتگن کونی مسجدلردن قطاریده جمعه نمازیده، افغانستانلیکلرنینگ کورگنیز صورتده، پاکستان دولتیگه خبر بیرینگلر دیدیلر.»
شوندهی بیرحالده، پاکستان دهگی افغانستانلیک قاچقینلردن باشقه بیری وزیرینینگ ایتیشیچه، بو مملکتده افغانستان ایلچیخانهسی یاپیلیشی بیلن، قاچقینلر قیینچیلیکلری هم کوپهیگن. «پنجاب دهگی قاچقینلر کوپراق قیینچیلیک بیلن روپهره بولگن. افغانستان ایلچیخانهسی یاپیلدی. ویزه یا-ده پاسپورت قیینچیلیگی بیلن روپهره بولگن کیشیلر، کوپینچه قیینچیلیک بیلن روپهره بولگنلر.»
افغانستانلیک قاچقینلردن باشقه بیری یاسمین نبیزاده، توقنشوولر کوچهیشی طفیلی امنیتسیزلیکدن شکایت قیلیب و ایتیشیچه، قاچقینلر قولگه آلینیشی و چیقریلیشی یانیده، توقنشوولر سبب اهالی امنیتلری توغریسیده هم خواطرلنگنلر. «چیگره توقنشوولر کوچهیشی، کوپینچه خوفسیزلیک خواطرلرنی اورته گه کیلتیرگن و اهالی امنیتی تهدید آستیده قالگن. تیریکچیلیک اوچون پاکستان گه بارگن قاچقینلر، ثباتسیزلیک، روحی قیینچیلیکلر و کیلهجک توغریسیده خواطرلر بیلن روپهره بولگنلر.»
سونگی کونلرده افغانستان و پاکستان آرهسیدهگی سیاسی و حربی کیسکینلیکلر، پاکستان ده افغانستانلیک مینگلب کیشینینگ خوفسیزلیک و اداری باسیملر آستیده قالیشیگه سبب بولگن. خوفسیزلیک اقداملر، اویدن و مسجدلردن قولگه آلینیش و یشش حجتیگه تیگیشلی چیکلاولر، افغانستانلیک قاچقینلرنی جدی قیینچیلیکلر بیلن روپهره قیلگن.
