غور دن هرات و هرات دن غور گه سفر قیلیش چاغی ده «کمینج» منطقه‌سی دن اوتیب شهرک و دره‌ی جام اولوسوال‌لیکلری ده کیره میز. بو یول طبیعی اورمان بیلن قمرب آلینگن که بو دره و منطقه نینگ گوزل‌لیگی نی کوپه‌یتیره دی. اما قیش ییتیب کیلیشی بیلن بیر قنچه یشاوچی‌لر، اورمان‌زارلر نینگ اهمیتی نی بیلمسدن درخت‌لر نی کیسیش‌گه باشلب اوندن یاقیلغی ماده اوله‌راق قوللنه‌دیلر.
کمینج یشاوچی‌لر نینگ بو عمل‌لری، مدنی فعال‌لر و یشش محیط ایش‌بیلرمان‌لری نینگ خواتیرلری گه سبب بولگن. غور ولایتی نینگ مدنی فعال‌لری دن بیری محمد اکبر نینگ ایتیشیچه، منارجام دره سیده، کوپینچه یشاچی‌لر بو دره ده بار درخت‌لر نی کیسیب قیش ده یاقیلغی ماده اوله‌راق قوللنه‌دیلر.
بیزلرنینگ فیسبوک صحیفه‌میزگه باش اورینگ!
یشش محیط ایش‌بیلرمان‌لری نینگ ایشانچی‌گه کوره، اورمان‌زارلر هوا افلاس‌لیگی نینگ آلدی نی آلیشدن علاوه، وحشی حیوانات و ایریم قوش‌لر نینگ تربیه بولیشی هم مناسب بیر ییر. اولر اسلامی امارت مسوول‌لری دن، ولایت‌لر ده طبیعی اورمان‌لر یوق ایتیلیشی نینگ آلدی آلینیشی نی ایسته‌گن‌لر.
شونینگ دیک، غور ولایتی نینگ معلومات و مدنیت اداره‌سی نینگ مسوول‌لری تاکیدلشیچه، طبیعی اورمان‌زارلر سقلنیشی اوچون سعی و حرکت‌لری دوامی بار، و اورمان‌زارلرنی کیسیش گه اینتیلگن هربیر کیشی بیلن قانونی یول باریشی میز ممکن.
غور ولایتی نینگ معلومات و مدنیت اداره‌سی نینگ مسوول‌لری عبدالحی زعیم نینگ ایتیشیچه، بو ولایت یشه‌یدیگن هربیر کیشی گه خبربیریلگن، موندی بیر ایش‌گه قولگن اورگن هرکیم که بولسه قولگه آلینه دی.
غور، ایشبیلرمانلر و فعال‌لر نینگ ایتیش‌لریچه، اورمان‌لر اقتصاد و ایکینچی‌لیک یوکسلیشی اوچون کته اهمیت گه ایگه و سیلاب‌لر کیلیشی، ضرلی گاز کوپه‌ییشی و توپراق بوزیلیشی نینگ آلدی نی آلیش اوچون توسیق بوله‌آله دی.