اسلام امیرلیگی مالیه وزیرلیگی، پاکستانده ایشلب چیقریلگن دارولر افغانستان گه کیلتیریلیشینی رسمی طرزده منع قیلدی.
اوشبو وزیرلیک، بوگون (۱ دلو/ ۲۱ جنوری، چهارشنبه) ایکس صحیفهسیده بیر بیانیه ترقهتیب بو حقده خبر بیردی.
بیانیه گه کوره، قویاش ۱۴۰۴ییل، ۲۰ دلو دن کیین، پاکستانده ایشلب چیقریلگن هیچ قندهی دارو مملکت باجخانهلریده محصول قیلینمهیدی.
مالیه وزیرلیگی بیانیهسیده، پاکستاندن دارو کیلتیروچی تجارلر گه ۱۹ کون ایچیده برچه معامله و سندلرینی تازهلشی تأکیدلنیب و تعیینلنگن وقت یکونیدن سونگ اوشبو دارولرنینگ محصول قیلینیش جریانی تولیق توختهتیلیب و هیچ قندهی بهانه قبول قیلینمسلیگی حقیده آگاهلنتیریلگن.
بوندن آلدین هم، پاکستاندن دارو کیلتیروچی تجارلر گه اوچ آی ایچیده دارولری باجخانهلرده محصول قیلینیب و اوندن کیین قبول قیلینمسلیگی ایتیلگن ایدی.
بو قرار افغانستانده دارو بازاری همده پاکستان بیلن سودا مناسبت گه سیزیلرلی درجهده تأثیر قوییشی ممکن.
