فاریاب ولایتی معارف ریاستی مسئوللری، اوشبو ولایتده اداری و اوقیتووچیلرنینگ رقابتی سیناوی اۉزبېک و تورکمن تیلی و ادبیاتی بولیمیدن فارغ بولگنلرنینگ حضورسیزلیگی بیلن اۉتکزیلگنینی معلوم قیلهدیلر.
فاریاب معارف ریاستینینگ صفتنی کفالت قیلیش ایشلری بوییچه آمری اخترمحمد نیکزاد، سلاموطندار بیلن اۉتکزگن صحبتیده، اۉزبېک و تورکمن تیلیدن فارغ بولگنلر بو لایتده اداری و اوقیتووچیلیک اوچون اعلان گه بیریلگن بستلر گه ثبتنام قیلیب و اولر شارلست بولگنینی معلوم قیلهدی.
بیزلرنینگ فیسبوک صحیفهمیزگه باش اورینگ!
اونگه کوره، اوشبو کیشیلرنینگ سیناو گه کېریش کارتی مرکز (کابل)دن اوزهتیلمهگنی اوچون سیناو گه اشتراک اېته آلمهگنلر.
اونینگ کوپهیتیریشیچه، اوشبو ولایت معارف ریاستی بو موضوع حل اېتیلیشی اوچون مرکز مسئوللری بیلن هماهنگ بولیب و اولرنینگ سیناوی، فاریاب ولایتی معارف ریاستی تامانیدن آلینیش بویروغی بیریلگن.
عینحالده، بیرقطار یېتکرمهلر اۉز منبعلری گه تیهنیب، فاریاب ولایتیده اۉزبېک و تورکمن تیلی و ادبیاتی بولیمیدن فارغ بولگنلردن بیرقطاری گه، بو ولایتده اداری و اوقیتووچیلیک بستلرنینگ رقابتی سیناوی گه اشتراک اېتیش حقی بیریلمهگنینی معلوم قیلگنلر.
بیزلرنینگ «ایکس» ترماغی ده هم تعقیب قیلینگ!
معلوماتلر گه کوره، امتحانلر مسئوللری اوشبو اوقیتوووچیلر گه سوالات بانکیده اۉزبېک و تورکمن تیلی کتابلریدن سوال کېلتیریلمهگن و اولر حقیده کېین قرار قبول قیلینیشنی اېتگنلر.
اسلام امیرلیگی ایکّینچی مرته قدرت نی آلگنیدن سۉنگ، افغانستان مقیاسیده معلم تربیهلش بولیمیده اۉزبېک تیلی و ادبیاتی بولیمینی بیکار قیلدی، لېکن اېریم قرشیلیکلر باعث، بیرقطار ولایتلرده قیته فعال بولدی.