افغانستان فوتسال ملی تیرمه جماعهسی، ۲۰۲۶ آسیا فوتسال کپی تورنمنتی گروهی اویینیده ایران بیلن قرشیلشهدی.
مملکت فوتسال اویینچیلری بوگون (۱۲ دلو / ۱ فبروری، یکشنبه) کابل وقتی بیلن عصر پیتی ساعت ۴:۳۰ ده، اندونیزیا پایتختی جاکارتا شهریده ایران بیلن اوینیدی.
افغانستان و ایراننینگ سکیز جماعه آرهسیده یول تاپگنلیکلری قطعی بولگن بولسه-ده، بیراق بو ایکی جماعه آسیا ملتلر کپی گروهی باسقیچی رقابتلریده تورتینچی گروهده، پیش قدملیک اوچون بیللشهدی. افغانستان حاضر اوز گروهیده گل فرقی بیلن بیرینچی اورینده و ایران ایسه ایکینچی اورینده تورگن.
مملکت ملی پوشلری، اوتگن ایکی بیللشووده سعودی عربستان گه ۳-۰ و مالیزیا گه ۷-۰ حسابی بیلن غلبه قازانگن ایدی.
