مملکت بیرقطار سیاسی و حربی ایش بیلرمانلرنینگ ایتیش‌لریچه، جمهور رئیس بیرینچی اورین باسری امرالله صالح نینگ امنیتی برنامه‌سی کابل شهریده خوفسیزلیک نی قیسقه مدتلی کمه‌یتیره‌دی و اوشبو برنامه خلق رضایتی‌نی جلب قیلیش اوچون یولگه قوییلگن و انه‌شو سبب، کابل شهریده بولگن جنایت‌لرینی دایمی صورتده یکونلنتیرمه‌یدی.
سیاسی ایش بیلرمانلردن بیری بسیم‌الله رنجبرنینگ سلام‌وطندرگه ایتیشیچه، کابل شهریده‌گی جنایت‌لر رقمی هیچ‌بیر زمان کم بولمه‌یدی، لیکن کوپه‌یشی ممکن.
جناب رنجبرگه کوره، اقتصادی قیین‌چیلیکلر و ایش یوق‌لیگی باعث، اهالی جنایت‌لرگه قول اوره‌دی‌لر.
بوگون “پنجشنبه” جناب صالح نینگ فیسبوک صحیفه‌سیده یازیشیچه، حجت‌سیز موترلر مصادره قیلینیشی خصوصیده ترقلگن پیام دن سونگ، کابل شهریده حجت‌سیز موترلرنینگ رقمی ۹۰% کمه‌یگن.
بیراق، حربی ایش بیلرمانلردن بیری عتیق‌الله امرخیل نینگ سلام‌وطندارگه ایتیشیچه، حکومت نینگ یوقاری لوازملی مسوول‌لری نینگ فساد و اوغیرلاوچیلیککه قول‌لری بولگنی سبب، جنایتچی‌لردن حمایت قیله‌دی و انه‌شو سبب، کابل شهری ناتینچ بولگن.
کابل شهری نینگ امنیتی وضعیتی یمان بولگنیدن سونگ، جمهور رئیس اشرف غنی اوشبو شهرنینگ خوفسیزلیگی نی تامین‌لش مسوولیتی‌نی بیرینچی اورین باسریگه تاپشیرگن.
