کابل بادامباغده، بنگلهدیش شفاکارلر تیمی یاردمی بیلن افغان قیزیل آی جمعیتی مرکزی کسلخانهسیده،۱۲۰ دوداق و تنگلهی جیریق بالهنینگ تیکین طرزده دوالش جریانی باشلنگن.
اوشبو نهاد مسئوللری، بو بالهلرنینگ دوالش جریانی ۲۸-ثور، یکشنبه کونی باشلنگن و تورت کونگچه دوام تاپیشینی معلوم قیلهدیلر.
افغان قیزیل آی جمعیتی اورین باسری حافظ عزیزالرحمان، خبری ییغیلیشده ایتیشیچه: «کسلخانه گه مراجعت قیلگنلر شفاکارلر تامانیدن بوتونلی تېکشیریلهدی. ایرته و اوندن کېینگی کون عمل قیلیش باشلنهدی و بیز طبی کمچیلیکلرنی حل قیلهمیز.»
بیزلرنینگ فیسبوک صحیفهمیزگه باش اورینگ!
عینحالده، بنگلهدیش «مرکزالاسلام» جمغرمه باشلیغی حمزه شهیدالسلام، دوداق و تنگلهی جیریق بالهلر زمانهوی امکانیتلر بیلن دوالنیشینی معلوم قیلهدی. اونینگ کوپهیتیریشیچه:«بیز اوتگن ییلده هم بوندهی ایشنی قیلگندیک. مراجعت قیلگنلر کوپ و طبی خذمت قیلیش گه دوام بیریشنی اېستهیمیز.»
اوشبو جمغرمه مسئوللری گه کوره، کېلهسی کونلرده کوزدن عاجز و توغمه یورهک کسللری اوچون طبی خذمت کورسهتیلیشی ممکن.
افغان قیزیل آی جمعیتی مرکزی کسلخانهسیگه بالهلرینی دوالش اوچون آلیب کېلگن عایلهلردن بیرقطاری، بو گَل طبی خذمتلر کوپراق کورسهتیلیشی و مملکت ایچیده خلقارا شفاکارلردن فایدهلنیش امکانیتی یرهتیلیشینی سورهیدیلر.
کابللیک ملاخیلنینگ ایتیشیچه: «بالهمیزنی خصوصی کسلخانهلرده دوالش گه قوربیمیز یېتمسدی. اېندی تیکین دوالهیمیز، اسلام امیرلیگیدن تشقی شفاکارلردن فایدهلنیش امکانیتینی یرهتیشنی اېستهیمیز.»
بیزلرنینگ «ایکس» ترماغی ده هم تعقیب قیلینگ!
کابل یشاوچیلریدن باشقه بیری احسانالله گه کوره: «بالم دوداق جیریق کسلی گه چلینگن. بو کسلخانهده تشقی شفاکارلر بارلیگیدن خبر بولدیک و اونی تیکشیریش اوچون بو ییرگه آلیب کیلدیک. بوندن آلدین بیر مرته خصوصی کسلخانهده عمل قیلگندیک؛ بیراق یخشی نتیجه آلالمهدیک.»
شفاکارلرنینگ ایشانچی گه کوره، حاملهدارلیک چاغیده اۉز باشیمچهلیک دارو استعمال قیلیش و آنهلرنینگ یخشی آوقتلنمسلیگی، چقهلاقلرنینگ دوداق و تنگلهی جیریق کسلی گه چلینیشی گه سبب بولهدی.
کابلده خصوصی کسلخانهلردن بیریده شفاکار زیارمل احمدینینگ ایتیشیچه: «حاملهدار عیاللر اۉز باشیمچه شکلده دارو استعمال قیلهدیلر-چقهلاقلرنینگ دوداق و تنگلهی جیریق بولیشیگه سبب بولهدی و اولر بوندهی ایشدن واز کیچیب و حاملهدارلیک چاغیده یخشی آوقتلنیشلری کېرهک.»
اوتگن ییل، بنگلهدیشلیک شفاکارلردن بیر تیم، بوندهی قیینچیلیگی بولگن ۸۰ بالهنی کابلده دوالهگن اېدی.
