اسلام امیرلیگی ملی مدافعه وزیرلیگینینگ اعلام قیلیشیچه، پاکستان بیلن توقنشوولرنینگ دوامی بولیب و اوتگن کیچه قندهار ده بو مملکتنینگ اوچ عسکری اولدیریلگن.
ملی مدافعه وزیرلیگی سوزلاوچیسی عنایتالله خوارزمی، بوگون ایرتهلب اکس صحیفهسیده یازیشیچه، اوتگن کیچه قندهار ولایتی اسپینبولدک تومنیدهگی توقنشوولر جریانیده، پاکستاننینگ بیر عسکری اسیر آلینگن.
خوارزمیگه کوره، اسلام امیرلیگی کوچلری حاضرگچه پاکستان اردوسینینگ ۱۰ پایگاهسینی، جهازلری بیلن بیرگه قولگه کیلتیرگن.
بو بیلن بیرگه، ننگرهار ییتکرمهلر ادارهسینینگ اعلام قیلیشیچه، بو ولایت نازیان تومنیگه پاکستان هوا هجوملریده، ایکی تینچاهالی یرهلنگن.
کیسکینلیکلر کوچهیشی توغریسیده خواطرلر و مملکتلردن قطاری آرقهلی توقنشوولر کمهیشی همده آتیش کیسین اعلام بولیشی طلب بولگنی بیرحالده، اسلام امیرلیگی و پاکستان آرهسیدهگی توقنشوولر اونینچی کون کیتمه-کیت دوام قیلماقده.
