لبنان عملدارلری، اسرائیلنینگ اوشبو مملکت گه ینگی هجوملری عاقبتیده چمهسی ۴ کیشی اولیب و ۶ کیشی یرهلنگنینی بیلدیردی.
لبنان ملی ییتکرمهسی، بوگون (۱۳ حوت/۴ مارچ، چهارشنبه) اوشبو کیشیلر اسرائیل حربی کوچلرینینگ بامداد پیتی بو مملکت «بعلبک» شرقی شهریده تورت قبتلی بیناگه اویوشتیرگن هجوملریده نشانگه آلینگنینی اعلان قیلدی.
معلوماتلر گه کوره، توپراق آستیده قالگنلرنی قوتقریش اوچون قیدیرولر باشلنگن.
شو بیلن بیرگه، اسرائیل اردوسی لبنان جنوبی و باغ وادیسی (دره) حدودلریده ۵۰ قیشلاق و شهر یشاوچیلریگه اوی-جایلرینی ترک ایتیش بویروغینی بیرگن.
باشقه تاماندن، حزبالله لبنان بو مملکت شمالی «متولا» شهریده اسرائیل حربی کوچلرینی نشانگه آلگنینی ادعا قیلگن.
اسرائیل و حزبالله اورتهسیده ینگی توقنشوو، امریکا و اسرائیلنینگ ایران گه قوشمه هجوملری و اونینگ نتیجهسیده ایران رهبری سیدعلی خامنهای اولدیریلگچ، باشلندی.
اوتگن کون لبنان ساغلیقنی سقلش وزیرلیگی، حزبالله و اسرائیل اورتهسیدهگی ینگی توقنشوولر باشلنگنیدن بیری بو مملکتنینگ کمیده ۵۰ یشاوچیسی اولیب و ۳۳۵ یشاوچیسی یرهلنگنینی اعلان قیلگن ایدی.
