ارگ، ایکس صحیفه‌سیده بیر بیانیه ترقه‌تیب اسلام امیرلیگی باش وزیری‌نینگ اداری اورین باسری عبدالسلام حنفی کابل‌ده چین ایلچیسی جاو شینگ و بیرگه هیئتی بیلن اوچره‌شگنیدن خبر بیرگن. بو اوچره‌شوو ۱۶-جدی، یک‌شنبه کوتی بولیب اوتگن.
بیانیه‌ده کېلیشیچه: «بو اوچره‌شووده افغانستان‌ده چین ایلچیسی جاو شینگ، بو ایکّی مملکت اورته‌سیده تورلی ساحه‌لرده‌گی مناسبت نی یخشی بهالب افغانستان و چین اورته‌سیده‌گی دوست‌لیک‌دن ۷۰ ییل اوتماقده و بو ایکّی مملکت آره‌سیده چقور و یخشی مناسبت بارلیگیدن درک بیره‌دی.»
بیزلرنینگ فیسبوک صحیفه‌میزگه باش اورینگ!
ارگ چین ایلچیسی‌دن نقل قیلیب یازیشیچه، چین ایلچیخانه‌سی سۉنگی بیر ییل‌ده افغانستان یشاوچیلری گه اېنگ کوپ ویزه بیرگن و بو ایکّی تامانلمه مناسبت مستحکم‌لنیشی و کېنگه‌یش بیلگیسی دیر.
کابل‌ده چین ایلچیسی، قۉشنی مملکتلردن چیقریلگن افغانستان‌لیک قاچقینلر گه یشش اوی قوریش، بیرقطار ولایت‌لرده ساووقخانه قوریش و ایکینچیلیک، ساغلیق و افغانستان‌ده کانلرنی قازیب چیقریش و تېکشیریش اوچون مملکتی‌نینگ تیارگرلیگیدن ایشانچ بیلدیریب، چین‌نینگ افغانستان گه همکارلیک‌لری دوام تاپیشینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
اوشبو اوچره‌شووده، اسلام امیرلیگی باش وزیری‌نینگ اداری اورین باسری عبدالسلام حنفی، چین‌نینگ قاچقینلر بیلن همکارلیک قیلیشی و بو مملکت‌نینگ خلق‌ارا ییغیلیش‌لرده افغانستان‌دن حمایه قیلیش اقداملریدن منتدارلیک بیلدیرگن.
حنفی جنابلری، چین‌نینگ افغانستان‌ده تورلی ساحه‌لرده سرمایه یاتقیزگنیدن خورسندلیک قیلیب و بو مملکت‌دن، برق ایشلب چیقریش، کسلخانه‌لر و ساغلیق مرکزلرنی زمانه‌وی جهازلر بیلن تأمینلش خصوصیده یاردم بیریشینی اېسته‌گن.
شونینگدیک، اسلام امیرلیگی باش وزیری‌نینگ اداری اورین باسری، بوتون مملکتلر اینیقسه قۉشنی‌لر بیلن یخشی مناسبت‌ده بولیب و اولردن هم افغانستان بیلن مناسبت‌لرینی کېنگه‌یتیریشنی سوره‌گن.
