اسلام امیرلیگی باش وزیرینینگ اداری اورین باسری عبدالسلام حنفی، کابل ده چین ایلچیسی جاو شینگ تامانیدن توقیزینچی چین-جنوبی آسیا کورگزمهسیگه شرکت قیلیشگه چقیریلگن.
ارگ بیر بیانیه آرقهلی یازیشیچه، ۱۴-جوزا، چهارشنبه کونی بولیب اوتگن اوچرهشووده، چین ایلچیسی مذکور کورگزمهده افغانستان سرپرست حکومتی نمایندهلری حضورینی، ایکی تامانلمه مناسبتلر مستحکملنیشیده اونملی دیگن.
بیزلرنینگ «ایکس» ترماغی ده هم تعقیب قیلینگ!
اوشبو اوچرهشووده، تامانلر ایکی تامانلمه مناسبتلر، اقتصادی همکارلیکلر و قوشمه لایحهلر عملگه آشیریلیشی توغریسیده صحبت قیلگنلر.
جناب حنفیگه کوره، اسلام امیرلیگی برچه مملکت اینقیسه چین بیلن «یخشی تعامل و مناسبت» نی ایستهیدی. او، کابل و پکن آرهسیدهگی سیاسی و اقتصادی مناسبتلرنینگ کوپراق کوچهیشی توغریسیده امیدوارلیک قیلگن.
ارگ بیانیهسی اساسیده، چین ایلچیسی جاو شینگ هم ایکی مملکت آرهسیدهگی مناسبتلرنی «کوچهیماقده» دیب و چین کمپنیهلری آرقهلی عملگه آشیریله یاتگن لایحهلرنینگ افغانستان اوچون یخشی اقتصادی فایدهسی بولیشی ممکن دیگن.
بیزلرنینگ فیسبوک صحیفهمیزگه باش اورینگ!
افغانستان سرپرست حکومتی و چین آرهسیدهگی مناسبتلر، سونگی تورت ییل ایچیده رواجلنیش یولیده بولگن.
پکن، کابل ده رسمی ایلچیسینی سقلهب و کانلر قازیب چیقریلیشی، آستقورمهلر قیته قوریلیشی و انرژی بولیمیده سرمایه یاتقیزیلیش کبی لایحهلرده فعال حضوری بار.
