سمنگان، بدخشان و پکتیا ولایتلریده بیر قطار دهقان گه اصلاح بولگن اوروغ و کیمیاوی کود ترقهتیلگن. مذکور یاردم، بیرلشگن ملتلر تشکیلاتینینگ آزیق-آوقت و ایکینچیلیک دستوری (فائو)، آرقهلی دهقانلرنی قوللب-قوتلش و ایکینچیلیک محصوللر میزانی آشیشی مقصد، کورسهتیلگن.
سمنگان ولایتی ایکینچیلیک ریاستینینگ زراعتی ایشلری بوییچه آمری عبدالخلیل کریمینینگ ایتیشیچه، مذکور ولایتده دهقانلرگه اصلاح بولگن اوروغ و کیمیاوی کود ترقهتیلیش جریانی باشلهنیب و بو یاردمدن، ۵۰۰۰ دهقاننینگ فایدهلنیشی ممکن.
کریمینینگ کوپهیتیریشیچه، بیرینچی باسقیچده ۱ مینگ ۵۰۰ دهقان، اوشبو ولایت مرکزی ایبک شهری، فیروزنخچیر و خرموسارباغ تومنلریده اصلاح بولگن اوروغ و کیمیاوی کوددن فایدهلنگن.
شونینگدیک بدخشان ایکینچیلیک ریاستی مصلحتچیسی عبداللطیف لودیننینگ ایتیشیچه، مذکور ولایت زیباک و وردوج تومنلریده ۱ مینگ دهقان گه اصلاح بولگن اوروغ بیلن کیمیاوی کود ترقهتیلگن.
ایتیلیشچه، کیلهسی هفته هم بدخشان ولایتی یفتل پایان تومنیده باشقه ۵۰۰ دهقان گه اصلاح بولگن اوروغ و کیمیاوی کود ترقهتیلهدی.
شوندهی بیرحالده، پکتیا ایکینچیلیک، سووغاریش و چاروهچیلیک باشلیغی سیدامین هاشمی، اوشبو ولایت وزی زدران، سمکنی و احمدآبا تومنلریده ۱ مینگ ۵۰۰ دهقان گه اصلاح بولگن اوروغ بیلن کیمیاوی کود ترقهتیلگیننی ایتگن.
مذکور یاردملردن فایدهلنگن دهقانلردن قطاری، خورسندلیک بیلدیریب و ایتیشلریچه، کیتمه-کیت قوروقچیلیک، اصلاح بولگن اوروغ و کیمیاوی کود یوقلیگی، سونگی ییللرده ایکینچیلیک حاصلاتلری میزانی کمهیشیگه سبب بولگن.
اوشبو دهقانلرگه کوره، کیلهسی ییل ایکینچیلیک حاصللری میزنینینگ کوپهیشی ممکن.
