سرپرست حکومت ترانسپورت و هوا یول‌لری وزیرلیگی نینگ هواشناس‌لیک ریاستی بوگون و اېرته (۲۷ و ۲۸-سرطان کون‌لری) مملکت نینگ ۱۷ ولایتیده کوچلی یامغیر یاغیب، سوو تاشقینی و بوران یوز بیریش احتمالی‌دن آگاه‌لنتیرگن.
اوشبو ریاست بوگون ایکس اجتماعی ترماغی‌ده بیر خبرنامه ترقه‌تیب ایتیشیچه، سالنگ‌لر شامل بدخشان، تخار، بغلان، نورستان، کنر، لغمان، کاپیسا، پروان، کابل، میدان‌وردک، بامیان، ننگرهار، لوگر، غزنی، پکتیا، خوست و پکتیکا ولایت‌لریده کوچلی یامغیر یاغیب، سوو تاشقینی و بوران یوز بیریش احتمالی پیش‌بینلیک بولگن.
شونینگدیک مذکور ریاست، اوشبو ولایت‌لر نینگ تورلی منطقه‌لریده یامغیر یاغیش میزانینی ۱۵ دن ۴۰ ملی‌متر پیش‌بینلیک قیلگن.
اوشبو ریاست گه کوره، سالنگ‌لر شامل مملکت نینگ شمال، شمال‌شرق، غرب، جنوب و مرکزی ولایت‌لریده نسبتن کوچلی بوران یوز بیریشی ممکن، تورلی منطقه‌لرده بوران تېزلیگی بیر ساعت ده ۵۰ دن ۹۰ کیلومتر پیش‌بینلیک بولگن.
ایتیش کېره‌ک، ۲۵-سرطان، دوشنبه کونی ننگرهار ولایتیده کوچلی یامغیر طفیلی سوو تاشقینی و بوران عاقبتیده ۴۵ کیشی هلاک بولیب و باشقه ۳۰۰ کیشی یره‌لنگن.