ینگی‌لیکده پاکستان یېتکرمه‌لری اوشبو مملکت مرکزی بانکی‌دن نقل قیلیب ۲۰۲۳-ییل ده پاکستان نینگ افغانستان گه آزیق-آوقت صادراتی ۷۶ فایز کمه‌یشی، افغانستان نینگ اقتصادی قیینچیلیگی کوپه‌یشی گه سبب بولگنینی اېتگنلر.
بیراق افغانستان سودا و سرمایه یاتقیزیش اتاقی پاکستان مرکزی بانکی نینگ بو ادعاسینی رد قیلیب ایتیشیچه، افغان سوداگرلری برابریده پاکستان دولتی نینگ بهانه قیلیشی، وارداتی بازارلر اۉزگریشی و بعضی وارداتی توارلرنی ایشلب چیقریش ده افغانستان نینگ اۉزینی-اۉزی تامینلشی، ۲۰۲۳-ییل ده افغانستان نینگ پاکستان دن وارداتی کمه‌یشی گه سبب بولگن.
بیزلرنینگ فیسبوک صحیفه‌میزگه باش اورینگ!
اوشبو اتاق باشلیغی محمدیونس مومند نینگ سلام‌وطندار گه ایتیشیچه: «پاکستان دولتی افغان سوداگرلری گه انده-سنده قیینچلیک یره‌تیشی پاکستان دن واردات کمه‌یشی گه سبب بولگن؛ پاکستان مرکزی بانکی تامانیدن ترقه‌لگن رقم توغری اېمس؛ بوتوغریده یخشی تدقیقات بولمه‌گن؛ افغانستان نینگ قۉشنی‌لری بیلن مناسبتی یخشی دیر.»
بو اتاق ۲۰۲۳ و ۲۰۲۴-ییل‌لر ده افغانستان نینگ پاکستان دن وارداتی کمه‌یشی خصوصیده انیق معلومات کېریتمه‌گن.
باشقه تاماندن صناعت و سودا وزیرلیگی سۉزلاوچیسی آخوندزاده عبدالسلام جواد نینگ ایتیشیچه، افغانستان ۲۰۲۳-ییل ده پاکستان دن بیر میلیارد ۴۶۸ میلیون دالرلیک توار وارد قیلگن. اونینگ کوپه‌یتیریشیچه: «ایکّی مملکت آره‌سیده آلیش-بیریش مقداری ایکّی میلیارد ۴۶۸ میلیون دالر بولگن؛ بیر میلیارد بیش میلیون دالر صادرات و بیر میلیارد تورت میلیون دن آرتیق دالر وارداتی‌میز بولگن.»
بیزلرنینگ «ایکس» ترماغی ده هم تعقیب قیلینگ!
اقتصادی ایش بیلرمان‌لر، افغانستان نینگ پاکستان دن صادرات رقمی کمه‌یش سببینی، افغانستان نینگ وراداتی بازاری اۉزگریشی، اهالی نینگ سودا ساتیب آلیش گه کوچی یېتیشمسلیگی و ایچکی تولیدلر رقمی کوپه‌یشی عنوان قیله‌دی.
پاکستان سودا وزیرلیگی نینگ معلوماتی اساسیده، ۲۰۲۲ ییل‌ده اوشبو مملکت نینگ افغانستان گه صادرات رقمی ۸۳۳ میلیون ۴۱۷ مینگ دن آرتیق دالر بولگن.
ایتیش کېره‌ک، بوندن آلدین افغانستان-پاکستان سودا قۉشمه اتاق مسئوللری نیچه مراتبه بو ایکّی مملکت آره‌سیده آلیش-بیریش رقمی کمه‌یش سببینی پاکستان دولتی نینگ بهانه قیلیش‌لری و افغان سوداگرلری نینگ باشقه مملکت‌لر یول‌لری آرقه‌لی توارلرینی انتقال بیریش اوچون یوز کېلتیریش عنوان قیلگن اېدی.
