پاکستان مرکزی بانکینینگ گزارش بیریشیچه، ۲۰۲۴-۲۰۲۵ مالیهوی ییلنینگ توقیز آییده اوتگن ییل شو دوریگه نسبت، اوشبو مملکتنینگ افغانستان گه خذمتلر و توار صادراتی، ۶۴.۴۸ فایز آشگن.
بو بانکنینگ معلوماتی گه کوره، جولای آییدن جاری مالیهوی ییل مارچ آییگچه پاکستاننینگ افغانستان گه قیلگن صادراتی توپلمی، ۶۲۳ میلیون ۲۸۵ مینگ دالر بولگن که، اوتگن ییلنینگ شو دوریده ایسه، بو مقدار ۳۷۸ میلیون ۹۲۲ مینگ دالر بولگن دیر.
بیزلرنینگ «ایکس» ترماغی ده هم تعقیب قیلینگ!
گزارشده کیلیشیچه، بو مدتده افغانستان دن پاکستاننینگ وارداتی هم سیزیلرلی درجهده آشگن. اوتگن توقیز آیده افغانستان دن پاکستان وارداتی ۲۰ میلیون ۱۲۷ مینگ دالر گه ییتیشگن که، اوتگن ییلنینگ شو دوریده بو مقدار آلتی میلیون ۴۳۸ دالر ایکن.
پاکستان مرکزی بانکینینگ کوپهیتیریشیچه، توپلم شکلده افغانستان گه صادرات رقمی کوپهیگن؛ لیکن ۲۰۲۵-ییل مارچ آییده اوتگن ییل مارچ آییگه قرهگنده افغانستان گه پاکستان صادراتی ۴۵ فایز کمهیش بیلن، ۳۰ میلیون ۴۰۰ مینگ دالر گه توشگن.
بیزلرنینگ فیسبوک صحیفهمیزگه باش اورینگ!
پاکستان مرکزی بانکینینگ معلوماتی اساسیده، باشقه مملکتلرگه هم بو مملکتنینگ صادراتی بو دورهده ۷.۷۲ فایز آشیب و ۲۲.۸۹۱ میلیارد دالردن ۲۴.۶۵۹ میلیارد دالر گه ییتیشگن.
