غزه مدنی مدافعه تشکیلاتی، بو منطقهده آتیش کېسین اعلان قیلینیشی و غزه تورلی حدودلریدن اسرائیل حربی کوچلرینینگ آرتگه چیکینیشیدن سۉنگ، قریب ۲۰۰ مینگ کیشی اوشبو منطقهنینگ شمالی گه قیتگنلرینی بیلدیرگن.
کېلیشوو اساسیده، اسرائیل حربی کوچلری اوتگن کون ینگی جایلریگه آرتگه چیکینگن و دوشنبه کونی حماس ۲۰ نفر تیریک اسرائیللیک گروگاننی همده اولدیریلگن ۲۸ گروگاننینگ جسدینی آزاد قیلیشی کوتیلهدی.
برچه گروگه آلینگنلر آزاد قیلینگچ، اسرائیل عمرباد قماق جزاسیگه حکم قیلینگن ۲۵۰ نفر فلسطینلیک محبوسنی و ۷-اکتوبر هجومیدن کېین حبس گه آلینگن بیر مینگ ۷۰۰ نفر غزهلیکنی آزاد قیلیشی ممکن.
غزهده ایکی ییللیک اوروش دوامیده مینگلب فلسطینلیکلر اۉز اویلرینی ترک ایتیشگن و باشپنهسیز قالیشگه مجبور بولگن اېدیلر.
غزهدهگی آتیش کېسین بوییچه کېلیشوو، دونالد ترامپنینگ ۲۰ بندلیک دستورینینگ بیرینچی باسقیچی صفتیده تنیلگن، ۹-اکتوبر، چهارشنبه کونی قبول قیلیندی و اسرائیل کابینهسی تامانیدن تصدیقلنگنیدن سۉنگ جمعه کونی بامداد چاغیدن اجرا ایتیله باشلندی.
ترامپنینگ آتیش کېسین بوییچه دستورینینگ بیرینچی باسقیچی درحال آتیش کېسین برقرار ایتیلیشی، غزهده اسرائیل گرودهگیلرینی آزاد قیلیش همده غزه گه انسان سیورلیک یاردملرینی یېتکزیلیشینی نظارت قیلیش و خوفسیزلیگینی تأمینلشنی اوز ایچیگه آلهدی.
