ایران و اسرائیل اورتهسیده ۱۲-کون حربی توقنشووده، اسرائیل باش وزیری بنیامین نتانیاهو، امریکا قۉشمه ایالتلرینینگ جمهور باشلیغی دونالد ترامپنینگ تکلیفی بیلن، آتیش کېسین اوچون کېلیشگن.
اسرائیل باش وزیری ادارهسی، بوگون (۳-سرطان، سهشنبه) بیر بیانیه ترقهتیب نتانیاهو آتیش کېسین تکلیفینی قبول قیلگن و بوتوغریده رسمی بیانیه بوگون اعلان بولیشینی بیلدیرگن.
بیزلرنینگ فیسبوک صحیفهمیزگه باش اورینگ!
دونالد ترامپ «تروت سوشیال» پلتفرمیده، ایران و اسرائیل اورتهسیدهگی توقنشوولر گه چېک قوییش اوچون کېلیشیلگنیدن خبر بیرگچ، نیچه ساعتدن سۉنگ بو بیانیه اعلان قیلینگن.
بو کېلیشوو اعلان قیلینمسدن آلدین، ایران تشقی ایشلر وزیری سیدعباس عراقچی، اسرائیل هجوملرینی توختهتگن حالده، حربی مناسبتلریگه چېک قوییشلرینی اېتگن اېدی.
بیزلرنینگ «ایکس» ترماغی ده هم تعقیب قیلینگ!
ایران و اسرائیل اورتهسیده حربی توقنشوو، اسرائیلنینگ ایران هستهای سایتلریگه هجومیدن سۉنگ باشلندی. تهران بو هجومنی «توپراغیگه باسیم» دیب و راکتهلر بیلن بو مملکت توپراغی اینیقسه جنوبی حدودلریگه هجوم اویوشتیردی.
