اوشبو مسابقهلر نینگ سۉنگی اویینلری ۶-سرطان، چهارشنبه دن پنجشنبه گه اوتر کیچه یکونلندی. یورو ۲۰۲۴-ییل مسابقهلری نینگ حذفی باسقیچی گه ایتالیا، جرمنی، دنمارک، انگلستان، اسلواکیا، اسپانیا، گرجستان، فرانسه، بلژیک، پرتگال، اسلوونیا، رومانیا، هالند، اتریش و تورکیه فوتبال ملی تیرمه جماعهلری یول تاپگنلر.
افغانستان کریکت ملی تیرمه جماعهسی بنگلهدیش تیرمه جماعهسیه گه غلبه قازانیب بیرینچی مراتبه خلقارا کریکت ۲۰ آورهلیک کپی یریم فاینلی گه یول تاپدی. اوشبو مسابقه بوگون (۵-سرطان، سهشنبه) خلقارا کریکت کپی ۲۰ آورهلیک اویینلر ده ویستاندیز ده بولیب اۉتدی.
افغانستان کریکت ملی تیرمه جماعهسی خلقارا کپی ۲۰ آورهلیک اویینلرده ۲۱ یوگوریش تفاوتی بیلن آسترالیا ملی تیرمه جماعهسینی مغلوب اېتدی. ایکیله جماعه نینگ اوینی بوگون ایرتهلب (۳-سرطان، یکشنبه) «آرنوسواله» سپورت میدانیده یولگه قوییلدی. بو مسابقه ده باشلب افغانستان توپ اوروشنی باشلهدی و آلتی ویکت نی قولدن بیریش بیلن ۱۴۸ مرته یوگوریب و آسترالیا جماعهسی اوچون هدف اولهراق ۱۴۹ یوگوریش تعیینلهدی.
افغانستانلیک آزاد مبارزهلر سپورتچیسی نصرت حقپرست، «یوافسی» مسابقهلرده امریکالیک رقیبی گه غلبه قازاندی. اوشبو مسابقه ۲-سرطان، شنبه دن یکشنبه گه اوتر کیچه، سعودی عربستان پایتختی ریاض شهری ده یولگه قوییلگن اېدی، حقپرست امریکالیک رقیبی جرد گوردون نی اوچ روند ده اوچ امتیاز بیلن مغلوب اېتگن. حاضر اروپا مملکتلریده یشب کېلهیاتگن ۲۹ یاشر حقپرست، بو مسابقه ده امریکالیک کوچلی رقیبینی مغلوب اېتیب و ۱۷-مراتبه غلبه قازانیشینی نشانلش گه اولگوردی.
یورو ۲۰۲۴ ییل مسابقهلری ایکّینچی هفتهسیده بوگون (۲-سرطان، شنبه) گرجستان «ولکس» سپورت میدانیده افغانستان وقتی بیلن ساعت ۵:۳۰ اطرافی ده چک جمهوریتی، تورکیه «ایدونا» سپورت میدانیده ساعت ۸:۳۰ اطرافی ده بیش آلتین توپ غالبی کریستیانو رونالدو همتیمیلری (پرتگال) و بلژیک «راین انرژی» سپورت میدانیده کیچه ساعت ۱۱:۳۰ ده رومانی بیلن قرشی لشهدی.
اسلوونی فوتبال ملی تیرمه جماعهسی بوگون افغانستان وقتی بیلن توشدن سۉنگ ساعت ۵:۳۰ اطرافی ده، صربستان ملی تیرمه جماعهسی بیلن، دنمارک ساعت ۸:۳۰ اطرافی ده انگلیس تیرمه جماعهسی بیلن و اسپانیا اېسه کیچه ساعت ۱۱:۳۰ اطرافی ده، ایتالیا ملی تیرمه جماعهسی بیلن قرشی لشهدیلر.
کرواسی فوتبال ملی تیرمه جماعهسی بوگون افغانستان وقتی بیلن توشدن سۉنگ ساعت ۵:۳۰ اطرافی ده، آلبانی ملی تیرمه جماعهسی بیلن، جرمنی ساعت ۸:۳۰ اطرافی ده مجارستان تیرمه جماعهسی بیلن و اسکاتلند اېسه کیچه ساعت ۱۱:۳۰ اطرافی ده، سوئیس ملی تیرمه جماعهسی بیلن قرشی لشهدیلر.
جرمنی فوتبال ملی تیرمه جماعهسی، یورو ۲۰۲۴ ییل مسابقهلر نینگ باشلنیشی اویینیده، ۵:۱ حسابی بیلن اسکاتلند ملی تیرمه جماعهسی گه غالب بولدی.
جرمنی فوتبال ملی تیرمه جماعهسی بو کیچه (۲۵-جوزا، جمعه) کابل وقتی بیلن ۱۱:۳۰ اطرافی ده، اوشبو مملکت نینگ آلیانتس آرنا مونیخ سپورت میدانیده، اسکاتلند تیرمه جماعهسی بیلن بیللشهدی.
افغانستان فوتبال ملی تیرمه جماعهسی ۲۰۲۶-ییل خلقارا کپی مقدماتی ایکینچی باسقیچی و ۲۰۲۷-ییل آسیا ملتلر کپی قیتیش اویینیده، اېنگ مهم مسابقهلردن بیریده کویت برابری ده مغلوب بولیب و ۲۰۲۷-ییل آسیا ملتلر کپی رقابتلریده حضور تاپیش چانسینی قولدن بیردی.
افغانستان آسیا قهرمانی قطر بیلن مساوی قیلگنیدن سۉنگ بو کیچه ۲۰۲۶-ییل خلقارا کپی مقدماتی ایکینچی باسقیچی و ۲۰۲۷-ییل آسیا ملتلر کپی سۉنگی اویینیده کویت بیلن قرشی لشهدی. اوشبو اویین همده قطر و هندوستان تیرمه جماعهلری نینگ اویینیده، قطر دن کېین قیسی جماعه کېینگی باسقیچ گه یول تاپیشی انیقلنهدی.
افغانستان فوتبال ملی تیرمه جماعهسی ۲۰۲۶-ییل خلقارا کپی مقدماتی ایکینچی باسقیچی و ۲۰۲۷-ییل آسیا ملتلر کپی قیتیش اویینیده، آسیا قهرمانی قطر بیلن قرشی لشهدی. افغانستان
فرانسهلیک فوتبال اویینچی کیلیان امباپه، رسمی شکلده رئال مادرید کلوبی گه قوشیلدی. اسپانیالیک رئال مادرید کلوبی، ۱۴-جوزا، دوشنبه دن سهشنبه گه اوتر کیچه، بیر بیانیه ترقهتیب، کیلیان امباپه نینگ اوشبو کلوب گه قوشیلگنینی رسمی شکلده تصدیقلهگن. فرانسهلیک اوشبو فوتبال اویینچی رئال مادرید بیلن بیش ییللیک شرطنامه امضالهگن.
سپورت یېتکرمهلری نینگ معلوماتی اساسیده، فرانسهلیک فوتبالچی کیلیان امباپه، رئال مادرید کلوبی گه قوشیلگن. اسکای اسپورت یکشنبه دن دوشنبه گه اوتر کیچه، ۱۳-جوزا، پاریسن جرمن فوتبال اویینچیسی کیلیان امباپه رئال مادرید گه قوشیلگنی حقیده خبر بیرگن. اسکای اسپورت نینگ کوپهیتیریشیچه، فرانسهلیک مذکور فوتبال اویینچیسی اوشبو هفته ایچیده رئال مادرید کلوبی بیلن رسمی طرزده شرطنامه امضالشی کوتیلهدی.
روسیهلیک آزاد مبارزهلر سپورتچیسی اسلام ماخاچف، بوگون (۱۳-جوزا، یکشنبه) آزاد مبارزهلر رقابتلریده امریکالیک رقیبی داستین پویریه اوستیدن غلبه قازاندی.
رئال مادرید قهرمانلر لیگی فینالی ده بورسیا دورتموند جماعهسینی ۲-۰ حسابی بیلن مغلوب قیلیب و ۱۵-مراتبه اوشبو لیگ غالبی بولدی. اروپا قهرمانلر لیگی فینالی شنبه دن یکشنبه گه اوتر کیچه (۱۲-جوزا/۱جون) رئال مادرید و بورسیا دورتموند جماعهلری اۉرتهسیده بولیب اوتدی. اوشبو مسابقه ده فوتبال بوییچه اروپا پادشاهسی رئال مادرید دنی کارواخال و وینیسیوس جونیور نینگ گللری بیلن دورتموند نی ۲:۰ حسابی بیلن مغلوب قیلیب و قهرمانلر لیگی ده ۱۵-مراتبه قهرمانلیگینی نشانلهدی.
